Virat Kohli: కుమార్తె వామికతో విరాట్‌ ఫొటో వైరల్‌

ఇంటర్నెట్‌ డెస్క్‌: టీమ్‌ఇండియా స్టార్‌ క్రికెటర్‌ విరాట్‌ కోహ్లీ (Virat Kohli), ప్రముఖ నటి అనుష్క శర్మ (Anushka Sharma) దంపతులు మరోసారి తల్లిదండ్రులైన విషయం తెలిసిందే. ప్రస్తుతం వీరు లండన్‌లో ఉన్నారు. తాజాగా కోహ్లీ తన కుమార్తె వామిక (Vamika)ను తీసుకుని లండన్‌లోని ఓ రెస్టారంట్‌కు వెళ్లాడు. దీనికి సంబంధించిన ఫొటో ప్రస్తుతం సోషల్‌ మీడియాలో తెగ వైరల్‌ అవుతోంది.

ఇందులో ఓ టేబుల్‌ వద్ద వామిక భోజనం చేస్తుండగా పక్కన కోహ్లీ కూర్చుని కన్పించాడు. అయితే, తమ పిల్లల విషయంలో గోప్యత పాటించాలనుకుంటున్నట్లు అతడు గతంలోనే వెల్లడించిన విషయం తెలిసిందే. తన కుమార్తె ఫొటోలు తీయొద్దని ఆ మధ్య మీడియాను కూడా కోరాడు. ఈ నేపథ్యంలోనే కోహ్లీ నిర్ణయాన్ని గౌరవిస్తూ.. తాజాగా వైరల్‌ అయిన ఫొటోలో కొందరు అభిమానులు వామిక ముఖంపై ఎమోజీని ఉంచి పోస్ట్‌ చేశారు.

కోహ్లీ అండ్‌ కో వస్తే.. ఏం చేయాలో మాకు తెలుసు: రోహిత్ శర్మ

ఫిబ్రవరి 15న లండన్‌లోని ఓ ఆసుపత్రిలో అనుష్క శర్మ పండంటి మగబిడ్డకు జన్మినిచ్చింది. ఈ విషయాన్ని కోహ్లీ సామాజిక మాధ్యమాల వేదికగా ప్రకటించాడు. తమ బాబుకు ‘అకాయ్‌ (Akaay)’గా నామకరణం చేసినట్లు తెలిపాడు. వ్యక్తిగత కారణాలతో ఇంగ్లాండ్‌ సిరీస్‌ మొత్తానికి దూరమైన విరాట్‌.. త్వరలో జరగబోయే ఐపీఎల్‌ ఆడతాడా? లేదా? అన్నదానిపైనా సందిగ్ధత నెలకొంది.