Updated : 08/12/2021 06:27 IST

సముద్రాల్లోంచి యురేనియం వెలికితీసే పాలిమర్‌ సృష్టి

ణు విద్యుత్తు తయారీకి యురేనియం చాలా కీలకం. అయితే ఇది అపారమైన వనరేమీ కాదు. దీని లభ్యతకు పరిమితి ఉంది. చాలావరకు రాళ్ల నుంచే తవ్వి తీస్తుంటారు. నిజానికి సముద్రాల్లో సుమారు 4,500 టన్నుల యురేనియం ఉంటుందని అంచనా. భూమిలో నిక్షిప్తమైన దాంతో పోలిస్తే 500 రెట్లు ఎక్కువ. కానీ నీటి నుంచి యురేనియంను వెలికి తీయటం చాలా కష్టం. ఖర్చూ ఎక్కువే అవుతుంది. ఈ నేపథ్యంలో చైనీస్‌ అకాడమీ ఆఫ్‌ సైన్సెస్‌ రూపొందించిన వినూత్న పాలిమర్‌ పదార్థం కొత్త ఆశలు రేపుతోంది. మన శరీరంలోని రక్తనాళాల నిర్మాణం స్ఫూర్తితో తయారుచేసిన ఇది సముద్రాల నుంచి తేలికగా యురేనియంను సంగ్రహించటానికి తోడ్పడుతుంది. గత పద్ధతులతో పోలిస్తే 20 రెట్లు ఎక్కువగా యురేనియంను గ్రహిస్తుంది. అతి సూక్ష్మమైన గొట్టం మార్గాలకు అమిడాక్సిమ్‌ రసాయనాన్ని జోడించి దీన్ని తయారు చేశారు. అమిడాక్సిమ్‌ యురేనియం అయాన్లకు అంటుకుపోతుంది. అందువల్ల ఈ గొట్టాల్లోకి నీరు ప్రవహించినప్పుడు అందులోని యురేనియం లోపలే చిక్కుకుపోతుంది. దీన్ని హైడ్రోక్లోరిక్‌ ఆమ్లంతో శుద్ధి చేసినప్పుడు యురేనియం బయటకు వస్తుంది. పాలిమర్‌ పదార్థాన్ని చాలాసార్లు ఉపయోగించుకోవచ్చు. కాబట్టి ఎక్కువకాలం పనికొస్తుంది. ఖర్చు కూడా గణనీయంగా తగ్గుతుంది.

Read latest Technology News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని