మర మనిషి మాయ!
రోబోలు మారి పోతున్నాయి! మనుషులు సూచించిన పనులే కాకుండా, కృత్రిమ మేధతో సొంతంగా ఆలోచించటమూ నేర్చుకుంటున్నాయి
రోబోలు మారి పోతున్నాయి! మనుషులు సూచించిన పనులే కాకుండా, కృత్రిమ మేధతో సొంతంగా ఆలోచించటమూ నేర్చుకుంటున్నాయి. మనుషులకు చేదోడు వాదోడుగా నిలుస్తూ.. ప్రపంచాన్ని మరింత ఆనందమయం చేస్తామనీ అంటున్నాయి. ఇటీవల బెర్లిన్లో జరిగిన ఇంటర్నేషనల్ కన్జ్యూమర్ టెక్నాలజీ ఫెయిర్లో అలాంటి రెండు రోబోలు సందడి చేశాయి.
హ్యూనిట్: రోబో చేయి
ఇంట్లో ఎన్నెన్నో పనులు. కొన్నిసార్లు ఇంకో చేయి ఉంటే బాగుండుననీ అనిపిస్తుంటుంది. దక్షిణ కొరియా అంకుర సంస్థ హ్యూనిట్ రూపొందించిన రోబో అలాగే తోడ్పడుతుంది. చేయి మాదిరిగా కదులుతూ సృజనాత్మక పనులు, ఇంటి పనులు ‘ఒంటి’ చేత్తోనే చక్కబెడుతుంది. అధునాతన కృత్రిమ మేధతో కూడిన ఇది సంక్లిష్టమైన పనులనూ, అతి కచ్చితత్వంతో వేగంగా పూర్తి చేస్తుంది. వీడియో తీయటం దగ్గరి నుంచి 3డీ వస్తువులను ముద్రించటం వరకూ ఎన్నెన్నో పనులు చేసి పెడుతుంది. దీని కృత్రిమ మేధ కెమెరా సెకండుకు 30 ఫ్రేములను చిత్రీకరించగలదు. ప్రత్యేకమైన సెన్సర్ల సాయంతో ప్రత్యక్షంగా ముఖాకృతులను, వస్తువులను గుర్తిస్తుంది. దీనికి 2.4 అంగుళాల టచ్ స్క్రీన్తో పాటు మాటలను గుర్తించటానికి తోడ్పడే మైక్రోఫోన్ కూడా ఉంటుంది. అంతేకాదు, స్పీకర్ ద్వారా మనతో మాట్లాడుతుంది కూడా. వై-ఫై, బ్లూటూత్తో స్మార్ట్ఫోన్కు తేలికగా అనుసంధానమవుతుంది. హ్యూనిట్ రోబో చేయి 220 డిగ్రీలో కోణంలో తిరుగుతుంది. 750 గ్రాముల బరువును 15.4 అంగుళాల వరకు పైకి ఎత్తగలదు. దీనికి 3డీ ప్రింటర్, హైపవర్ లేజర్ వంటి పరికరాలనూ జత చేసుకోవచ్చు. వీటి ద్వారా చిన్న వస్తువులను 3డీలో ముద్రించుకోవచ్చు. కలప, కాగితం, చర్మం, అల్యూమినియం మీద పేర్లను చెక్కుకోవచ్చు. కావాలంటే పెన్ పరికరంలోకీ మార్చుకోవచ్చు. దీంతో బొమ్మలు గీయటం, రాయటం వంటివి చేయొచ్చు. అవసరమనుకుంటే వంట వండేటప్పుడు గరిటెను తిప్పటానికీ వాడుకోవచ్చు. కప్పుల వంటి వాటినీ అందిస్తుంది. ఇలా నిజమైన చేదోడుగా నిలుస్తుందన్నమాట.
డెస్డెమోనా: రోబో కవయిత్రి
ఎప్పుడూ మనం రాసిన కవిత్వమేనా చదువుకోవటం? ఓసారి రోబో రాసే గద్య కవిత్వాన్నీ ఆస్వాదించండి. ఎలా అంటారా? డెస్డెమోనా ఉందిగా. ముద్దుగా డెసి అని పిలుచుకునే ఇది ప్రపంచంలో మొట్టమొదటి రోబో పౌరురాలైన సోఫియాకు చెల్లి కూడా. దీన్ని ప్రముఖ కళాకారుడు, రోబో శాస్త్రవేత్త డేవిడ్ హాన్సన్, ఆయన బృందం రూపొందించింది. సింగ్యులారిటీ నెట్ నుంచి సంగ్రహించిన కృత్రిమ మేధను దీనికి జత చేశారు. ఇది ప్రముఖ కళాకారులు, కవులు, శాస్త్రవేత్తలు, రచయితల గ్రంథాలయం నుంచి సమాచారాన్ని గ్రహించి అప్పటికప్పుడు గద్య కవిత్వాన్ని సృష్టిస్తుంది. డెస్డెమోనా సృష్టించిన కవిత్వంతో జామ్ గెలాక్సీ బ్యాండు కచేరీలూ నిర్వహిస్తోంది. ఏ రెండు ప్రదర్శనలూ ఒకేలా ఉండకపోవటం గమనార్హం. ఈ రోబో చేతులు, మెడ, కళ్లు కదిలిస్తూ హావభావాలూ ఒలకబో స్తుంది. చక్రాల కాళ్లతో అటూ ఇటూ తిరుగు తుంది కూడా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
స్త్రీ ధనంపై భర్తకు నియంత్రణ ఉండదు: సుప్రీం
-
టీఎస్బీపాస్తోనే అనుమతులు.. డీపీఎంఎస్ విధానం పూర్తిగా నిలుపుదల
-
కొండయ్య.. లెక్కే వేరు
-
తితిదే వద్దనున్న రూ.2 వేల నోట్లు మార్పిడి!
-
విశాఖ ఉక్కు భూముల విషయంలో యథాతథ స్థితి పాటించండి
-
‘యూటీఎస్’ పరిధి పెంపు.. ఇక ఎంత దూరం నుంచైనా జనరల్ టికెట్ కొనచ్చు..