బిట్కాయిన్ శోధన
అది 19వ శతాబ్దం. లక్షలాది మంది కెనడాలోని క్లోండిక్ దిశగా సాగిపోయారు. ఎందుకో తెలుసా? బంగారాన్ని తవ్వుకోవటానికి. ‘గోల్డ్ రష్’గా పేరొందిన అలనాటి పరుగులో కొందరిని అదృష్టం వరిస్తే, కొందరికి నిరాశే మిగిలింది. ఇప్పుడూ అలాంటి తవ్వకమే మొదలైంది. అయితే ఈసారి పలుగు, పారలతో కాదు. కంప్యూటర్తో! బంగారం కోసం కాదు. అంతకన్నా విలువైన క్రిప్టోకరెన్సీ కోసం! అదే ‘క్రిప్టో మైనింగ్’. తొలి క్రిప్టోకరెన్సీ బిట్కాయిన్ 2009లో వెలుగులోకి వచ్చినప్పట్నుంచే ఇది ఆరంభమైంది.
అది 19వ శతాబ్దం. లక్షలాది మంది కెనడాలోని క్లోండిక్ దిశగా సాగిపోయారు. ఎందుకో తెలుసా? బంగారాన్ని తవ్వుకోవటానికి. ‘గోల్డ్ రష్’గా పేరొందిన అలనాటి పరుగులో కొందరిని అదృష్టం వరిస్తే, కొందరికి నిరాశే మిగిలింది. ఇప్పుడూ అలాంటి తవ్వకమే మొదలైంది. అయితే ఈసారి పలుగు, పారలతో కాదు. కంప్యూటర్తో! బంగారం కోసం కాదు. అంతకన్నా విలువైన క్రిప్టోకరెన్సీ కోసం! అదే ‘క్రిప్టో మైనింగ్’. తొలి క్రిప్టోకరెన్సీ బిట్కాయిన్ 2009లో వెలుగులోకి వచ్చినప్పట్నుంచే ఇది ఆరంభమైంది.
క్రిప్టోకరెన్సీ అనగానే బిట్కాయినే గుర్తుకొస్తుంది. ఇది అంతగా ప్రాచుర్యం పొందింది మరి. అతి పెద్దది, విలువైంది కూడా. నిజానికి ఒక్క బిట్కాయినే కాదు.. ప్రస్తుతం 5వేలకు పైగా క్రిప్టోకరెన్సీలున్నాయి. వీటికోసమే ఎంతోమంది మైనర్లు రాత్రీ పగలు తేడా లేకుండా నిరంతరం శోధిస్తున్నారు. ఇంతకీ క్రిప్టోకరెన్సీ అంటే? కాల్పనిక (వర్చువల్) ధనం. మామూలు డబ్బులా బయట చలామణి అయ్యేది కాదు. ప్రభుత్వాలు, బ్యాంకుల నియంత్రణలో ఉండేదీ కాదు. బ్లాక్ చెయిన్ పరిజ్ఞానం ఆధారంగా పనిచేస్తుంది. సమాచారాన్ని నమోదు చేసుకునే కంప్యూటర్ ప్రోగ్రామ్ (డేటాబేస్) లాంటి వర్చువల్ లెడ్జర్లో ఇది నిల్వ ఉంటుంది. కాల్పనిక ప్రపంచంలో క్రిప్టోకరెన్సీ ఒకరి నుంచి మరొకరికి చేరుతున్నప్పుడు.. అంటే బిట్కాయిన్తో ఏదైనా కొంటున్నప్పుడు.. ఆ లావాదేవీని రహస్యలిపి (క్రిప్టోగ్రఫీ) ద్వారా నోడ్స్ నెట్వర్క్ ధ్రువీకరిస్తుంది. ఇతర లావాదేవీలతో కలిసి కొత్త శాఖ (బ్లాక్) ఏర్పడుతుంది. ఇది డిస్ట్రిబ్యూటర్ లెడ్జర్లో (బ్లాక్ చెయిన్లో) నమోదు అవుతుంది. అప్పటికే ఉన్న బ్లాక్ చెయిన్కు కొత్త బ్లాక్లు వచ్చి జతకూడతాయి. లావాదేవీ పూర్తవుతుంది. ఇలా వాస్తవ ప్రపంచంలో మాదిరిగా క్రిప్టోతో వస్తువులు, సేవలు కొనుక్కోవచ్చు. ఒకసారి బ్లాక్ చెయిన్లో నమోదైన సమాచారాన్ని (విలువ, తేదీ, సమయం వంటివి) మార్చటం చాలా కష్టం. ఇదే క్రిప్టోకరెన్సీకి ఎనలేని విశ్వసనీయతను తెచ్చిపెడుతోంది. విలువను సంపాదించి పెడుతోంది. ఆన్లైన్ కరెన్సీ ఎక్స్ఛేంజీలో క్రిప్టోకరెన్సీని కొనుక్కోవచ్చు. అమ్మి సొమ్ము చేసుకోవచ్చు.
ఎందుకు కొంటున్నారు?
దీనికి చాలా కారణాలే ఉన్నాయి. బిట్కాయిన్ ఎవరికీ పూర్తిగా సొంతం కాదు. కాబట్టి ఇది ఎవరిదనేది తెలుసుకోవటానికి వీలుండదు. వాడుకోవటం తేలిక. ఆన్లైన్లో కొనేవారు, అమ్మేవారి మధ్య వెంటనే బదిలీ అవుతుంది. వడ్దీశాతం పెంచటం, తగ్గించటం వంటి చర్యలతో వివిధ దేశాల కరెన్సీల మాదిరిగా దీని విలువ మారదు. గిరాకీ, లభ్యతను బట్టే విలువ మారుతుంది. ఇలాంటి కారణాలన్నీ బిట్కాయిన్ను కొనటానికి దారితీస్తున్నాయి. టెక్నాలజీ ప్రియులకు, కాల్పనిక ప్రపంచంలో క్రయవిక్రయాలు చేసేవారినిది ఎంతగానో ఆకట్టుకుంటోంది. మెటావర్స్ వంటి కాల్పనిక ప్రపంచాల యుగం పురుడు పోసుకుంటున్న తరుణంలో మున్ముందు ఇంకా ప్రాచుర్యం పొందనుందని భావిస్తున్నారు. అక్కడ మామూలు డబ్బులను వాడుకోవటానికి వీలుండదు మరి.
బిట్కాయిన్ల సృష్టి ఎలా?
బిట్కాయిన్ తవ్వకం.. అదే మైనింగ్ ప్రక్రియ ద్వారా కొత్త బిట్కాయిన్లను సృష్టిస్తుంటారు. ఒక నెట్వర్క్లో ఉన్న కంప్యూటర్లు ఆయా లావాదేవీలను తనిఖీ చేసి, ధ్రువీకరించినప్పుడు కొత్త బిట్కాయిన్లు పుట్టుకొస్తాయి. ఇదో సంక్లిష్టమైన కంప్యూటింగ్ ప్రక్రియ. బ్లాక్చెయిన్కు కొత్తగా అనుసంధానమయ్యే బ్లాక్స్తో ముడిపడి ఉంటుంది. కొత్త బ్లాక్స్ను సృష్టించటం అంత తేలికైన పనికాదు. ముందుగా అతి కష్టమైన లెక్కలను పరిష్కరించాల్సి ఉంటుంది (హ్యాషెస్). లెక్కను విజయవంతంగా సాధించినవారికి (మైనర్లకు) రెండు రకాల బహుమతులు లభిస్తాయి. ఒకటి బ్లాక్ రివార్డు. ఇది బ్లాక్ను పబ్లిష్ చేసిన ప్రతి ఒక్కరికీ లభిస్తుంది. ఒకరకంగా దీన్ని ప్రశంసలాంటిదని చెప్పుకోవచ్చు. రెండో బహుమానం లావాదేవీ రుసుము. ఆయా లావాదేవీలు నిర్వహించేవారు బిట్కాయిన్లో కొంత భాగాన్ని రుసుముగా చెల్లిస్తారు. అంటే లావాదేవిని నమోదు చేయటానికి చేసే చెల్లింపు అన్నమాట. ప్రస్తుతం అందుబాటులో ఉన్న బిట్కాయిన్లన్నీ ఇలా సృష్టించినవే. ఇవి పరిమిత సంఖ్యలో ఉండటం వల్ల విలువా ఎక్కువే.
పర్యావరణంపై ప్రభావం
బిట్కాయిన్లను వెలికి తీసే ప్రక్రియ సంక్లిష్టంగా ఉండటం, రోజురోజుకీ వీటి విలువ పెరుగుతుండటం వల్ల వెలికి తీయటానికీ ఎంతోమంది ముందుకొస్తున్నారు. కానీ దీంతో పర్యావరణానికి హని కలిగే ప్రమాదం లేకపోలేదు. బిట్కాయిన్లను వెలికి తీయటానికి చాలా విద్యుత్తు అవసరం. ఇది పర్యావరణంపై విపరీత ప్రభావం చూపుతుంది. అందుకే ఇటీవల చైనా వీటి మైనింగ్ను, ట్రేడింగ్ను నిలిపేసింది. ఫలితంగా బిట్కాయిన్ మైనింగ్ అమెరికా వంటి దేశాలకు మళ్లుతోంది.
భారీ వ్యవస్థ
మొదట్లో మామూలు డెస్క్టాప్లతోనే బిట్కాయిన్లను వెలికి తీసేవారు. కానీ అది చాలా నెమ్మదిగా సాగేది. ఇప్పుడు ప్రత్యేకమైన కంప్యూటర్ వ్యవస్థ (మైనింగ్ రిగ్) ద్వారా వీటిని సృష్టిస్తున్నారు. గ్రాఫిక్ ప్రాసెసింగ్ యూనిట్, అప్లికేషన్ స్పెసిఫిక్ ఇంటిగ్రేటెడ్ చిప్తో కూడిన అధునాతన కంప్యూటర్లను దీనికి వాడుతున్నారు. ప్రస్తుతం బిట్కాయిన్ మైనింగ్ను పెద్ద వ్యవస్థలే నిర్వహిస్తున్నాయి. అతిపెద్ద బిట్కాయిన్ మైనింగ్ రిగ్లో సుమారు రూ.2,258 కోట్ల విలువైన ఇంటిగ్రేటెడ్ సర్క్యూట్ కంప్యూటర్లు ఉన్నాయని అంచనా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 AM
-
స్వతంత్ర అభ్యర్థి విడదల రజని కిడ్నాప్ వ్యవహారంపై దుమారం
-
మంత్రిగారి నగదు ‘బదిలీ’లకు కోడ్ ఉన్నా ఆమోదం
-
విజయ్ ‘ఫ్యామిలీ స్టార్’ ఓటీటీలోకి వచ్చేసింది.. స్ట్రీమింగ్ ఎక్కడంటే?
-
రమణదీక్షితులుపై కేసులో 41ఏ నోటీసు నిబంధనను పాటించండి: పోలీసులకు హైకోర్టు ఆదేశం
-
వైకాపా వెన్నులో వణుకు.. చెమటలు పట్టిస్తున్న పూతలపట్టు కాంగ్రెస్ అభ్యర్థి