డీఈవో, ఎంఈవోలే బాధ్యులు

ఈనాడు, హైదరాబాద్‌: తమ పరిధిలోని పదో తరగతి పరీక్షల్లో కాపీయింగ్‌ జరిగితే డీఈఓలు, ఎంఈఓలు బాధ్యులు అవుతారని ప్రభుత్వ పరీక్షల విభాగం (ఎస్‌ఎస్‌సీ బోర్డు) సంచాలకుడు కృష్ణారావు పేర్కొన్నారు. ఈ మేరకు ఆయన శుక్రవారం ఆదేశాలు జారీ చేశారు. ఆయా పరీక్షా కేంద్రాల్లో పనిచేసే ఇన్విజిలేటర్లు వ్యక్తిగతంగా కాపీయింగ్‌కు బాధ్యులవుతారని, వారిపై క్రమశిక్షణ చర్యలు తీసుకుంటామని తెలిపారు. కాపీయింగ్‌పై ప్రజల నుంచి వచ్చే ఫిర్యాదులను ప్రతి డీఈఓ, ఎంఈఓ ఒక రిజిస్టర్‌లో నమోదు చేసి...వాటిపై ఏం చర్యలు తీసుకున్నారో తెలపాలని ఆదేశించారు.