భారత్‌ను మా పాదాల కింద నలిపివేయగలం

పాక్‌ ప్రధాని షెహబాజ్‌ షరీఫ్‌ వివాదాస్పద వ్యాఖ్యలు

ఇస్లామాబాద్‌: పాకిస్థాన్‌ ప్రధాని షెహబాజ్‌ షరీఫ్‌ మరోసారి తన వక్ర బుద్ధిని చాటుకున్నారు. శాంతి కోసం భారత్‌తో చర్చలకు సిద్ధమని గత నెల ప్రకటించిన ఆయన.. ఇప్పుడు భారత్‌పై బెదిరింపులకు దిగారు. ‘‘భారతదేశం మాపై డేగ కన్ను వేస్తే.. అణ్వాయుధాలు గల మేము ఆ దేశాన్ని మా పాదాల కిందే నలిపివేయగలం’’ అని వ్యాఖ్యానించారు. కశ్మీర్‌ సంఘీభావ దినోత్సవం సందర్భంగా ఆదివారం పాకిస్థాన్‌ ఆక్రమిత కశ్మీర్‌(పీఓకే)లో పర్యటించిన ఆయన ఈ వ్యాఖ్యాలు చేశారు. కశ్మీర్‌కు రాజకీయ, దౌత్య, నైతిక సహాయం ఎల్లప్పుడూ ఉంటుందని ఆయన అన్నారు. ప్రస్తుతం పీఓకేలో ఇమ్రాన్‌ సారథ్యంలోని తెహ్రిక్‌-ఇ-ఇన్సాఫ్‌ పార్టీ అధికారంలో ఉంది.