Shooting: అవుట్‌డోర్‌ పార్టీపై విచక్షణారహితంగా కాల్పులు.. నలుగురి మృతి!

వాషింగ్టన్‌: అమెరికా (USA)లో మరోసారి కాల్పుల (Shooting) ఘటన కలకలం రేపింది. ఓ బహిరంగ వేడుక (Outdoor Party)పై గుర్తుతెలియని వ్యక్తులు విచక్షణారహితంగా జరిపిన కాల్పుల్లో నలుగురు మృతి చెందారు. మరో ముగ్గురికి తీవ్ర గాయాలయ్యాయి.

పోలీసుల వివరాల ప్రకారం.. సెంట్రల్‌ కాలిఫోర్నియాలోని కింగ్‌ సిటీలో ఏర్పాటుచేసిన ఓ అవుట్‌డోర్‌ పార్టీకి పలువురు హాజరయ్యారు. అంతలోనే ముసుగులు ధరించి, కారులో అక్కడికి చేరుకున్న ముగ్గురు దుండగులు ఒక్కసారిగా వారిపై కాల్పులకు తెగబడ్డారు.

అమెరికాలో చెదిరిన నృత్య కల

ఈ దాడిలో ముగ్గురు వ్యక్తులు అక్కడికక్కడే ప్రాణాలు కోల్పోయారు. తీవ్రంగా గాయపడిన నలుగురిని ఆస్పత్రికి తరలించగా.. చికిత్స పొందుతూ ఓ మహిళ మృతి చెందారు. అనంతరం దుండగులు అదే కారులో పరారయ్యారు. సమాచారం అందుకున్న వెంటనే ఘటనా స్థలానికి చేరుకున్న పోలీసులు.. నిందితులను పట్టుకునే దిశగా గాలింపు చర్యలు ముమ్మరం చేశారు.