Bypoll: ఒక లోక్‌సభ, 6 అసెంబ్లీ స్థానాల ఉప ఎన్నికల ఫలితాలివి..!

దేశవ్యాప్తంగా ఒక లోక్‌సభ సభ, 6 అసెంబ్లీ స్థానాలకు జరిగిన ఉప ఎన్నికల ఫలితాలు వెలువడ్డాయి. సమాజ్ వాదీ పార్టీ కంచుకోటైన ఉత్తర్‌ప్రదేశ్‌లోని మైన్‌పురి లోక్‌సభ నియోజకవర్గంలో.. ఆ పార్టీ అధ్యక్షుడు అఖిలేశ్ భార్య డింపుల్ యాదవ్ భారీ మెజార్టీతో గెలుపొందారు. అదే రాష్ట్రంలో జరిగిన రెండు అసెంబ్లీ స్థానాల ఉప ఎన్నికల్లో ఒకటి భాజపా, మరొకటి ఆర్‌ఎల్‌డీకీ దక్కింది. బిహార్ ఉప ఎన్నికలో కమలదళం గెలుపొందగా.. రాజస్థాన్, ఛత్తీస్‌గఢ్‌లో అధికార కాంగ్రెస్ జయకేతనం ఎగురవేసింది. ఒడిశాలోని పదమ్ పూర్ అసెంబ్లీ స్థానం అధికార బిజూ జనతాదళ్  సొంతమైంది.