AP News: జగన్‌ పాలనలో కూతపెట్టని రైల్వే ప్రాజెక్టులు

మెరుగైన రవాణా మార్గాలు.. అభివృద్ధికి జీవనాడులుగా చెప్పవచ్చు. అందుకే అధికారంలో ఉన్న ఏ ప్రభుత్వమైనా వాటి విస్తరణకు ప్రాధాన్యం ఇస్తుంది. జగన్ ఏలుబడిలోని ప్రభుత్వం మాత్రం ఆంధ్రప్రదేశ్‌లో ఒక్క కొత్త రహదారిని నిర్మించలేదు సరికదా గుంతలైనా పూడ్చలేక ప్రజలకు ప్రత్యక్ష నరకం చూపించింది. కేంద్ర ప్రభుత్వంలో భాగంగా ఉండే రైల్వే ప్రాజెక్టులకైనా పట్టాలెక్కేలా నిధులేమైనా ఇచ్చిందా అంటే అదీ లేదు. ఐదేళ్లలో ఒక్క రూపాయీ కేటాయించలేదంటే రైల్వే ప్రాజెక్టులపై వైకాపా ప్రభుత్వ చిత్తశుద్ధి ఏపాటిదో అర్థం చేసుకోవచ్చు.