News In Pics: చిత్రం చెప్పే సంగతులు -02(23-01-2023)

1/24

జర్మనీలోని డస్సెల్‌డార్ఫ్‌లో బోట్‌ షో నిర్వహించారు. ఈ సందర్భంగా యువతులు అక్కడ ఏర్పాటు చేసిన ట్యాంకులో జలకన్యల్లాగా ‘మెర్మైడింగ్‌’ అనే డైవింగ్‌ చేశారు.

2/24

భారత క్రికెటర్‌ కేఎల్‌ రాహుల్‌ ఓ ఇంటి వాడయ్యాడు. తన ప్రియురాలు అతియాశెట్టిని కుటుంబసభ్యుల సమక్షంలో వివాహమాడాడు. మహారాష్ట్ర, ఖండాలలోని ఫామ్‌హౌస్‌లో వీరి వివాహం జరిగింది..

3/24

4/24

హైదరాబాద్‌లోని గాజులరామారంలో చిత్తారమ్మ జాతర రెండో రోజు సోమవారం ఘనంగా సాగింది. ఆలయానికి భక్తులు పెద్దఎత్తున తరలివచ్చి పూజలు చేశారు. పోతరాజుల విన్యాసాలు ఆకట్టుకున్నాయి.

5/24

భారత్‌, న్యూజిలాండ్‌ మధ్య మంగళవారం మూడో వన్డే మ్యాచ్‌ జరగనుంది. ఈ నేపథ్యంలో మధ్యప్రదేశ్‌ రాష్ట్రం ఇందౌర్‌లోని మైదానంలో భారత క్రీడాకారులు సాధన చేస్తూ కనిపించారు. ఇప్పటికే భారత్‌ రెండు వన్డేల్లో గెలిచి సిరీస్‌ కైవసం చేసుకున్న సంగతి తెలిసిందే.

6/24

తెదేపా జాతీయ ప్రధాన కార్యదర్శి నారా లోకేశ్‌ జన్మదినం సందర్భంగా విజయవాడలోని పున్నమి ఘాట్ వద్ద తెదేపా కార్యకర్తలు ‘యువగళం’ పాదయాత్ర లోగోతో ఉన్న భారీ కేకును కోసి సంబరాలు చేసుకున్నారు.

7/24

చిరంజీవి హీరోగా కేఎస్‌ రవీంద్ర(బాబీ) దర్శకత్వంలో తెరకెక్కిన సినిమా ‘వాల్తేరు వీరయ్య’. సంక్రాంతి కానుకగా థియేటర్లలో విడుదలైంది. 10రోజుల్లో ఈ చిత్రం ప్రపంచవ్యాప్తంగా రూ.200కోట్లకు పైగా వసూళ్లు సాధించినట్లు చిత్రబృందం తెలిపింది.

8/24

ఒంగోలు సమీపంలోని ముక్తినూతలపాడు వద్ద నూతనంగా ఏర్పాటు చేసిన ఓ ఆటోమొబైల్‌ దుకాణాన్ని సినీనటి పాయల్‌ రాజ్‌పూత్ ప్రారంభించారు. ఈ సందర్భంగా ఆమె నృత్యం చేసి అభిమానులను ఉత్సాహపరిచారు.

9/24

అభిమానులకు హాయ్‌ చెబుతున్న పాయల్‌ రాజ్‌పూత్‌

10/24

పారిస్‌లో నిర్వహించిన ఫ్యాషన్‌ షోలో మోడల్స్‌ వినూత్నంగా పులులు, సింహాల బొమ్మలతో ఉన్న దుస్తులతో ర్యాంప్‌వాక్‌ చేసి ఆకట్టుకున్నారు.

11/24

12/24

ఆదిలాబాద్ జిల్లా ఇంద్రవెల్లి మండలంలోని కేస్లాపూర్‌లో ఆదివాసీల నాగోబా జాతర ఘనంగా కొనసాగుతోంది. ఈ సందర్భంగా ఆలయంలో ఆదివాసీలు ప్రత్యేక పూజలు నిర్వహించారు.

13/24

సల్మాన్‌ఖాన్‌ హీరోగా ఫర్హాద్‌ షంజీ దర్శకత్వంలో తెరకెక్కిన సినిమా ‘కిసీ కా భాయ్‌.. కిసీ కా జాన్‌’. వెంకటేశ్, పూజా హెగ్డే కీలక పాత్రల్లో నటిస్తున్నారు. ఈ సినిమా టీజర్‌ను ఈ నెల 25న విడుదల చేస్తున్నట్లు చిత్రబృందం తెలిపింది.

14/24

కాంగ్రెస్‌ చేపట్టిన భారత్‌జోడో యాత్ర జమ్మూ కశ్మీర్‌లో కొనసాగుతోంది. ఇందులోభాగంగా పర్యటిస్తున్న రాహుల్‌గాంధీకి ఓ వ్యక్తి ఇలా బాహుబలి వేషధారణలో ఉన్న ఆయన పోస్టర్‌ను బహూకరించి అభిమానం చాటుకున్నాడు.

15/24

విజయవాడలోని రాజ్‌భవన్‌ దర్బార్‌ హాల్‌లో సోమవారం నేతాజీ సుభాష్‌చంద్రబోస్‌ జయంతి వేడుకలు నిర్వహించారు. ఈ సందర్భంగా గవర్నర్ బిశ్వభూషణ్ హరిచందన్ ఆయన చిత్రపటానికి నివాళి అర్పించారు.

16/24

నేతాజీ సుభాష్ చంద్రబోస్‌ జయంతి సందర్భంగా ప్రముఖ కళాకారుడు సుదర్శన్‌ పట్నాయక్‌ ఒడిశాలోని పూరీ తీరంలో సైకత శిల్నాన్ని తీర్చిదిద్దారు. స్వాతంత్రోద్యమ కాలంలో నేతాజీ ‘నాకు రక్తాన్నివ్వండి.. మీకు స్వేచ్ఛనిస్తాను’ అనే నినాదంతో భారతీయుల్లో జోష్‌ పెంచారు.

17/24

భారత నావికాదళంలోకి మరో అత్యాధునిక, శక్తిమంతమైన జలాంతర్గామి చేరింది.‘కల్వరి క్లాస్‌’కు చెందిన ‘వాజిర్’జలాంతర్గామి ఈరోజు అధికారికంగా భారత నావికాదళంలోకి చేరింది. దీంతో ముంబయిలో నావికాదళ సిబ్బంది విన్యాసాలు చేశారు.

18/24

ఈరోజు నేతాజీ సుభాష్‌చంద్రబోస్‌ జయంతి సందర్భంగా కేటీఆర్‌ ట్విటర్‌లో ఈ ఫొటోను పంచుకున్నారు. ‘భరతమాత ముద్దుబిడ్డ, ధైర్యశీలి సుభాష్‌ చంద్రబోస్‌ 126వ జయంతి సందర్భంగా ఆయనకు నా వందనాలు’ అని బోస్‌ ఫొటోను ట్వీట్‌ చేశారు.

19/24

జస్టిన్ డుపాంట్ (ఎడమ), కీలా కెన్నెల్లీ హవాయిలోని సముద్ర తీరంలో అలలపై ఇలా రైడ్‌ చేసి ఆకట్టుకున్నారు.

20/24

సినీ నటి, యాంకర్‌ అనసూయ నిజామాబాద్‌లోని ఓ వస్త్ర దుకాణ ప్రారంభోత్సవంలో పాల్గొని సందడి చేశారు.

21/24

ఈరోజు తెదేపా ప్రధాన కార్యదర్శి నారా లోకేష్‌ పుట్టిన రోజు సందర్భంగా నెల్లూరు నగరంలో అభిమానులు భారీ కేకును కట్‌ చేసి తమ అభిమానం చాటుకున్నారు. తెదేపా నెల్లూరు నగర అధ్యక్షుడు ధర్మవరం సుబ్బారావు ఆధ్వర్యంలో ‘యువనాయక’ పేరుతో ఓ ఫ్లెక్సీని ప్రదర్శించారు.

22/24

వెంకటేష్‌ ప్రధానపాత్రలో, శైలేష్ కొలను దర్శకత్వంలో ఓ చిత్రం రానుంది. వెంకటేష్‌కి ఇది 75వ సినిమా కాగా.. దీనికి సంబంధించిన వివరాలను జనవరి 25న ప్రకటించనున్నట్లు ఒక ఫొటోను చిత్రబృందం ట్వీట్‌ చేసింది. ఈ ఫొటో అభిమానుల్లో ఆసక్తిని పెంచుతోంది.

23/24

ఇటాలియన్ డ్యాన్స్ కంపెనీ కిటాంబ్‌ చిలీలోని శాంటియాగోలో నిర్వహించిన ‘శాంటియాగో ఏ మిల్’ అంతర్జాతీయ నృత్యం, థియేటర్, విజువల్ ఆర్ట్స్ ఫెస్టివల్‌ అబ్బురపరచింది. భూమి, ఆకాశం మధ్య ఇలా చేసిన ‘కారిల్లోన్.. ది ఫ్లైట్ ఆఫ్ టైమ్’ ప్రదర్శన ఆకట్టుకుంది.

24/24

బాలకృష్ణ హీరోగా గోపీచంద్‌ మలినేని దర్శకత్వంలో తెరకెక్కిన చిత్రం ‘వీరసింహారెడ్డి’. సంక్రాంతి కానుకగా విడుదలైంది. ఈ సందర్భంగా హైదరాబాద్‌లోని జేఆర్సీ కన్వెన్షన్‌లో ‘వీరసింహుని విజయోత్సవం’ వేడుకను నిర్వహించారు. కార్యక్రమం అనంతరం నటులు పార్టీ చేసుకున్నారు. సినీనటి హనీరోజ్‌, బాలకృష్ణ చిత్ర విజయాన్ని సెలబ్రేట్ చేసుకున్నారు.