News In Pics : చిత్రం చెప్పే సంగతులు-2 (28-11-2022)

1/20

భాజపా తెలంగాణ రాష్ట్ర అధ్యక్షుడు బండి సంజయ్‌ నిర్మల్‌ జిల్లా అడెల్లిలోని మహా పోచమ్మ ఆలయంలో పూజలు చేసి ఐదో విడత ప్రజాసంగ్రామ యాత్రను ప్రారంభించారు.

2/20

అడెల్లి గ్రామంలో భాజపా కార్యకర్త రాజశేఖర్‌ గౌడ్‌ ఇంట్లో బండి సంజయ్‌ టీ తాగారు. అనంతరం రాజశేఖర్‌ గౌడ్‌, అమూల్య దంపతుల కుమార్తెకు నక్షత్ర అని ఆయన నామకరణం చేశారు.

3/20

ఒడిశా రాష్ట్రంలోని రాయ్‌గడ్‌ నుంచి కోరాపుట్‌ వెళ్లే రైల్వే మార్గంలో ఎత్తైన కొండల మీది నుంచి పంటపొలాలు ఇలా అందంగా కనిపించాయి.

4/20

డిసెంబర్‌ 4న నిర్వహించనున్న నేవీ డే వేడుకల కోసం విశాఖలోని ఆర్కే బీచ్‌లో నేవీ సిబ్బంది రిహార్సల్స్‌ చేశారు. ఇందులో భాగంగా హెలికాప్టర్లు, నౌకలతో చేసిన విన్యాసాలు చూపరులను ఆకట్టుకున్నాయి.

5/20

హైదరాబాద్‌లోని హుస్సేన్‌సాగర్‌లో సాయంకాల వేళ అస్తమిస్తున్న సూర్యుడి కిరణాలు బంగారు వర్ణంలో మెరిశాయి. ఆ నీటిలో పక్షులు ఎగురుతున్న చిత్రం చూడచక్కగా కనిపించింది.

6/20

గోవా వేదికగా జరిగిన 53వ అంతర్జాతీయ చలన చిత్రోత్సవ ముగింపు వేడుకలో ప్రముఖ నటుడు చిరంజీవి ‘ఇండియన్‌ ఫిల్మ్‌ పర్సనాలిటీ ఆఫ్ ది ఇయర్‌’ అవార్డు అందుకున్నారు. సరైన సమయంలో ఈ పురస్కారం పొందడం ఆనందాన్నిచ్చిందని ఆయన తెలిపారు.

7/20

8/20

అనంతపురం జిల్లా ఉరవకొండ పట్టణంలోని గవిమఠం గొర్రెలు, మేకల మార్కెట్‌లో ఓ వింత మేక కనిపించింది. వెలిగొండ గ్రామానికి చెందిన చెన్నకేశవులు తన గొర్రెలు, మేకలను సంతలో అమ్మడానికి పెట్టగా పొట్టలో కొమ్ము ఉన్న మేక కనిపించింది. ఈ దృశ్యాన్ని అక్కడున్న వారు ఆసక్తిగా గమనించారు. ఈ విషయమై పశుసంరక్షణ డిప్యూటీ డైరెక్టర్ వెంకటేశ్‌ను వివరణ కోరగా.. జన్యుపరమైన లోపాలతో ఇలాంటివి జరుగుతాయని చెప్పారు.

9/20

కేంద్ర మంత్రి కిషన్‌రెడ్డిని ‘హను-మాన్‌’ సినిమా హీరో తేజ సజ్జ, దర్శకుడు ప్రశాంత్‌వర్మ మర్యాదపూర్వకంగా కలిశారు. ఈ సందర్భంగా ‘హను-మాన్’ టీజర్‌ బాగుందని కిషన్‌రెడ్డి వారికి కితాబిచ్చారు.

10/20

నల్గొండ జిల్లా దామరచర్లలోని థర్మల్‌ పవర్‌ ప్లాంట్‌ పనులను సీఎం కేసీఆర్‌ పరిశీలించారు. త్వరితగతిన పూర్తిచేయాలని అధికారులకు సూచించారు. ఆయన వెంట మంత్రులు జగదీశ్‌రెడ్డి, దయాకర్‌రావు తదితరులు ఉన్నారు.

11/20

తిరుచానూరు పద్మావతి ఆలయంలో పంచమితీర్థం వేడుకను ఘనంగా నిర్వహించారు. ఈ సందర్భంగా పుష్కరిణికి భక్తులు పెద్దఎత్తున తరలివచ్చి పుణ్యస్నానాలు చేశారు.

12/20

కాంగ్రెస్‌ చేపట్టిన భారత్‌జోడో యాత్ర మధ్యప్రదేశ్‌లో కొనసాగుతోంది. ఈ సందర్భంగా ఇండోర్‌లో పార్టీ అగ్రనేత రాహుల్‌గాంధీ సైకిల్‌ తొక్కి శ్రేణుల్లో ఉత్సాహం నింపారు.

13/20

రామ్‌చరణ్‌, జూనియర్‌ ఎన్టీఆర్‌ ప్రధాన పాత్రల్లో రాజమౌళి దర్శకత్వంలో తెరకెక్కిన సినిమా ‘ఆర్‌ఆర్‌ఆర్‌’ జపాన్‌లో రికార్డులు సృష్టిస్తోంది. 38వ రోజు ఈ సినిమా కలెక్షన్లు.. అక్కడ విడుదలైన రోజు కంటే ఎక్కువగా నమోదయ్యాయి. మరోవైపు ఈ సినిమా 34రోజుల్లోనే అత్యధిక కలెక్షన్లు రాబట్టి 300 మిలియన్‌ జపాన్‌ యెన్‌ల క్లబ్‌లో చేరింది.

14/20

ఇద్దరు వ్యక్తులతో వెళ్తున్న చిన్న విమానం ఆదివారం సాయంత్రం అమెరికాలోని మాంట్‌గోమరి గ్రామంలో ప్రమాదానికి గురై నేరుగా ఇలా విద్యుత్తు తీగల లైన్‌లోకి దూసుకెళ్లి ఆగిపోయింది. ఈ ఘటనలో ఎవరికీ ఎలాంటి హాని కలగలేదు.

15/20

వెనెజువెలాలోని నేషనల్‌ స్పోర్ట్స్‌ ఇన్‌స్టిట్యూట్‌ ఆఫ్‌ కారకస్‌లో గిన్నిస్‌ రికార్డు నెలకొల్పేందుకు పెద్ద ఎత్తున జంటలు తరలివచ్చి నృత్య ప్రదర్శన ఇచ్చాయి.

16/20

ధనుష్‌ హీరోగా శేఖర్‌ కమ్ముల దర్శకత్వంలో ఓ కొత్త సినిమా షూటింగ్‌ పూజా కార్యక్రమంతో ప్రారంభమైంది. మూడు భాషల్లో ఈ సినిమాను తెరకెక్కిస్తున్నట్లు చిత్రబృందం వెల్లడించింది.

17/20

తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాలు వైభవంగా సాగుతున్నాయి. చివరి రోజైన నేడు పంచమి తీర్థం ఉత్సవాన్ని పురస్కరించుకొని తిరుమల శ్రీ‌వారి ఆల‌యం నుంచి తితిదే అధికారులు, అర్చకులు పద్మావతి అమ్మవారికి సారె తీసుకొచ్చి సమర్పించారు.

18/20

అగ్రకథానాయకుడు రజనీకాంత్ నటించిన బాబా సినిమాను డిసెంబర్‌ 12న ఆయన పుట్టిన రోజు సందర్భంగా రీ రిలీజ్‌ చేసేందుకు సన్నాహాలు చేస్తున్నారు. సురేశ్‌ కృష్ణ దర్శకత్వంలో తెరకెక్కిన ఈ సినిమా 2002లో విడుదలైంది. క్లైమాక్స్‌ సన్నివేశాలు ఆసక్తిగా లేకపోవడంతో అప్పట్లో ఈ సినిమా ఫలితం నిరాశ పర్చింది. దీంతో తాజాగా కొన్ని సన్నివేశాలు జోడించినట్లు సమాచారం. వాటికి రజనీ డబ్బింగ్‌ చెబుతున్న చిత్రాలు సామాజిక మాధ్యమాల్లో చక్కర్లు కొడుతున్నాయి.

19/20

హైదరాబాద్‌లోని హుస్సేన్‌సాగర్ సమీపంలో 125 అడుగుల ఎత్తయిన అంబేడ్కర్‌ కాంస్య విగ్రహాన్ని నెలకొల్పే పనులు చకచకా సాగుతున్నాయి. ఈ పనులను మంత్రులు వేముల ప్రశాంత్‌రెడ్డి, కొప్పుల ఈశ్వర్‌ పరిశీలించారు.

20/20