sleep:హాయిగా నిద్రపోవచ్చిక..!
‘ఎందుకో తెలియదు కానీ గట్టిగా కళ్లుమూసుకుని ఎంత ప్రయత్నించినా నిద్ర(sleep) పట్టడం లేదు.
‘ఎందుకో తెలియదు కానీ గట్టిగా కళ్లుమూసుకుని ఎంత ప్రయత్నించినా నిద్ర(sleep) పట్టడం లేదు. ఒకవేళ పట్టినా గంటా రెండు గంటలే. మళ్లీ మెలకువ వచ్చేస్తుంది’. ఇదేదో వృద్ధులో, ఏదైనా దీర్ఘకాలిక వ్యాధితో బాధపడుతున్నవాళ్లో చెబుతున్నది కాదు. ఇరవై నుంచి ఎనభైల వరకూ అన్ని వయసులవాళ్లూ ఎదుర్కొంటోన్న తీవ్ర సమస్య... అదే నిద్రలేమి(sleeping disorder). దానికి సరైన కారణాన్ని గుర్తించి హాయిగా నిద్రపట్టేలా చేస్తుంది ‘సుఖీభవ’ వెల్నెస్ సెంటర్.
వయసులో నిద్రపట్టకపోవడం ఏమిటీ మరీ విడ్డూరం కాకపోతే అని ఇరవయ్యేళ్ల పిల్లల్ని ఉద్దేశించి పెద్దవాళ్లు అనుకోవచ్చుగాక. కానీ నిద్రలేమి అనేది తీవ్ర సమస్యగా పరిణమిస్తోంది. సాధారణంగా ఏ మనిషికైనా రోజుకి కనీసం ఏడు నుంచి ఎనిమిది గంటల నిద్ర అవసరం. లేదంటే కనీసం నాలుగైదుగంటలన్నా ఉండాలి. అయితే అదీ చాలామందికి దొరకడం లేదు. నిద్రలేమి జీవక్రియమీదా, హార్మోన్లమీదా తీవ్ర ప్రభావం చూపుతుంది. తద్వారా ఆలోచనాశక్తి తగ్గడమే కాదు, శరీరమూ స్వాధీనంలో ఉండదు. అలసిన మెదడు కణాలన్నీ నిద్రలోనే తిరిగి శక్తిని పుంజుకుంటాయి. అప్పటివరకూ తెలుసుకున్న విషయాలన్నింటినీ మెదడు గుర్తుపెట్టుకునేలా చేయగలిగే శక్తి నిద్రకి మాత్రమే ఉంది. నిద్ర ఏకాగ్రతనీ నిర్ణయాలు తీసుకునే ధైర్యాన్నీ ఇస్తుంది. సృజనాత్మకతనీ పెంచుతుంది. అదే నిద్రలేమితో బాధపడేవాళ్లలో ఆత్మవిశ్వాసం లోపించడం, డిప్రెషన్, ఆందోళన, కోపం, అతిగా తినడం, గందరగోళం... వంటి లక్షణాలు కనిపిస్తుంటాయి. నిద్రలేమి గుండెమీద ప్రభావాన్ని కనబరుస్తుంది. సెరటోనిన్, ఈస్ట్రోజెన్, మెలటోనిన్, కార్టిసాల్, టెస్టోస్టెరా ఇన్సులిన్... వంటి హార్మోన్లలో అసమతౌల్యం ఏర్పడుతుంది. ముఖ్యంగా ఇన్సులిన్ లోపంతో ఆకలి పెరిగి, ఊబకాయానికి దారితీస్తుంది. దాంతో మధుమేహం, హృద్రోగాలు, మూత్రపిండాల సమస్యలు, పక్షవాతం... వంటివన్నీ తలెత్తుతాయి. మొత్తంగా రోగనిరోధక వ్యవస్థ బలహీనమై రకరకాల ఇన్ఫెక్షన్లూ సోకుతాయి. ఇది పొట్టలోని బ్యాక్టీరియామీదా ప్రభావాన్ని కనబరచడంతో శరీరంలోని వ్యవస్థలన్నీ దెబ్బతింటాయి. అందుకే దీన్ని పరిష్కరించేందుకు ‘సునిద్ర’ చికిత్సా విధానాన్ని రూపొందించింది సుఖీభవ.
చికిత్సా విధానం!
ఏ జబ్బు నివారణకైనా నియమాల్ని పాటిస్తూ సరైన ఆహారం తీసుకోవడమే మంచి మందు. కాబట్టి వ్యక్తి జీవనశైలి, జీర్ణశక్తిని బట్టి ఆహారాన్ని సూచించడం ద్వారా సునిద్ర చికిత్స మొదలవుతుంది. (sleeping disorder treatment)ఆల్కహాల్, కెఫీన్, నికోటిన్ వంటివన్నీ నిద్రలేమికి దారితీస్తాయి. ప్రాసెస్డ్ ఆహారపదార్థాలూ సోడాలూ కూల్డ్రింకులూ స్వీట్లూ డెజర్ట్లూ నిద్రమీద ప్రభావం చూపిస్తాయి. కాబట్టి వాటిని పూర్తిగా మానేలా శిక్షణ ఇస్తాం. తాజా కూరగాయలు, చిక్కుళ్లు, బీన్స్, అలసందలు, సోయా... ఇలా విటమిన్లూ ప్రొటీన్లూ ఉండే వాటిని తీసుకుంటే పొట్టలో బ్యాక్టీరియా మెరుగై జీర్ణశక్తి పెరగడంతోపాటు నిద్ర పట్టేందుకూ దోహదపడతాయి. అంటే- ఆహారంలో ప్రొబయోటిక్, ఫెర్మెంటెడ్ పదార్థాలూ పండ్లూ నట్సూ తృణధాన్యాలూ పెరుగూ ఉండేలా చూస్తాం. సునిద్ర చికిత్సా విధానంలో భాగంగా ఆహారంతోపాటు నేచురోపతీ, ఆయుర్వేద వైద్యాన్నీ అందిస్తుంది సుఖీభవ.
రకరకాలుగా..!
హైపోథైరాయిడిజంతో బాధపడేవాళ్లలో కూడా నిద్రలేమి కనిపిస్తుంటుంది. అయితే సమస్య ఏదయినా చికిత్సా విధానం వ్యక్తి గతమే. కాబట్టి వాళ్ల శరీర తత్వాన్ని బట్టి జీవనశైలిలో మార్పులు చేస్తాం. కొందరికి రకరకాల ఆలోచనలూ మానసిక సమస్యల వల్ల కూడా నిద్రలేమి రావచ్చు. అలాంటివాళ్లకి కౌన్సెలింగ్ ఇవ్వడంతోపాటు ప్రశాంతంగా ఆలోచించేలా ధ్యానం చేయించడం, యోగాసనాలు వేయించడంతోపాటు కొన్ని రకాల శ్వాస పద్ధతుల్నీ నేర్పిస్తాం. అంతేకాదు, యోగ నిద్రకు సంబంధించిన ఆసనాల్నీ వేయిస్తాం. కొన్ని రకాల పూల తైలాల్నీ సూచిస్తాం. పేషన్ ఫ్లవర్, అశ్వగంధ వంటి మూలికల్నీ వాడాల్సి ఉంటుంది. వెన్నెముకకి హాట్ ప్యాక్లు వేయడం, ఎప్సమ్ సాల్ట్తో కూడిన కొన్ని హాట్ ఫుట్బాత్ల వల్ల కూడా మంచి నిద్ర పట్టేలా చేయవచ్చు. రెండుమూడు సెషన్ల తరవాత వీటిని ఎవరికి వాళ్లు ఇంట్లోనే చేసుకునేలా శిక్షణ ఇస్తాం. పడుకునేముందు లావెండర్ నూనెను పీల్చడం వల్లా నిద్ర మెరుగవుతుంది.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
‘భారత ఎన్నికల్లో మా ప్రమేయం ఉండదు’: రష్యా ఆరోపణలను ఖండించిన అమెరికా
-
నేను రాజకీయాలకు అతీతం.. ఎన్టీఆర్కు భారతరత్న ఇవ్వాలి: చిరు
-
వేరే అపార్ట్మెంట్లోకి ప్రవేశించి పోలీసుల కాల్పులు.. ఎయిర్ఫోర్స్ ఉద్యోగి మృతి
-
రిఫండ్లు చకచకా.. 6 గంటల్లోనే క్యాన్సిల్ టికెట్ల సొమ్ము!
-
ఈనాడు.నెట్లో టాప్ 10 వార్తలు @ 1 PM
-
మా ఇద్దరిలో కామన్ పాయింట్ ఏంటి?.. చిరంజీవికి ఉపాసన సరదా ప్రశ్న