గొంతెత్తిన ఎలుగు.. వీడియో వైరల్‌

ట్విటర్‌లో ఉంచిన అమెరికా నేషనల్‌ పార్కు నిర్వాహకులు

ఇంటర్నెట్‌ డెస్క్‌: సామాజిక మాధ్యమాలు వచ్చాక ప్రతి విషయంపై ఎవరికి ఇష్టం వచ్చినట్లు వారు స్పందించడం ఎక్కువైపోయింది. అది మంచైనా..చెడైనా సరే తమ అభిప్రాయాలను వెల్లడించేందుకు అనువైన వేదికగా నిలుస్తున్నాయి. అమెరికాలోని ఓ జాతీయ పార్కు నిర్వాహకులు ట్విటర్‌లో షేర్‌ చేసిన వీడియో వైరల్‌గా మారింది. పార్కులోని ఓ నల్లటి ఎలుగుబంటి చెట్టుపై ఉండి పలు రకాలుగా శబ్దాలను చేస్తుంటుంది. సందర్భానుసారంగా ఎలుగుబంటి చేసే శబ్దాలపై నెటిజన్లు తమదైన రీతిలో స్పందించారు. కొందరేమో ఎలుగుబంటి ఏదో నొప్పితో బాధపడుతుందని, అందుకే అది అలా అరుస్తోందని వాపోయారు. ఎలుగుబంటి తన భావాలను అద్భుతంగా చెబుతోందని జాతీయ పార్కు నిర్వాహకులను అభినందిస్తూ మరికొందరు  ట్వీట్లు చేశారు. మరి ఎలుగుబంటి చేసిన వింతైన శబ్దాలను ఓసారి మీరూ వినేయండి..