అన్ని లక్ష్యాలకు ఈక్విటీలు ఒక్కటే పరిష్కారం కావు
అవి దీర్ఘకాలిక లక్ష్యాలను సాధించడానికి తగినవిగా ఉంటాయి
ఆర్థిక లక్ష్యాలను చేరుకునేందుకు ఒక ప్రణాళిక ప్రకారం పెట్టుబడులు చేయడం చాలా ముఖ్యం. మీ లక్ష్యాలు, పెట్టుబడుల ఆధారంగా స్వల్ప, మధ్యకాలిక, దీర్ఘకాలిక లక్ష్యాలతో ఆర్థిక ప్రణాళిక తయారు చేసుకోవాలి.
ఈక్విటీ మార్కెట్లో స్వల్పకాలానికి రిస్క్ చాలా అధికంగా ఉంటుంది. అందువల్ల, దీర్ఘకాలంలో ఈక్విటీ పెట్టుబడులు చాలా లాభదాయకంగా కనిపిస్తాయి. అందువల్ల, మీరు కాలానుగుణ పెట్టుబడిదారులైతే స్వల్పకాలికంగా ఈక్విటీలో పెట్టుబడులు పెట్టకూడదు. దీర్ఘకాలికంగా పెట్టి అలా వదిలేస్తే లాభాలు పెరుగుతాయి.
స్వల్ప, మధ్యస్థ, దీర్ఘకాలిక లక్ష్యాలను కలిగి ఉండే ఆర్థిక లక్ష్యాలను నిర్దేశించడంతో ప్రణాళికను ప్రారంభించాలి. స్వల్పకాలిక లక్ష్యాలు సాధారణంగా 6 నుంచి 18 నెలల కాలపరిమితిలో ఉంటాయి. మార్కెట్ అస్థిరతకు గురవ్వని డెట్ లేదా స్థిర ఆదాయ పథకాల స్థిరమైన పెట్టుబడులు స్వల్పకాలిక లక్ష్యాలను చేరుకోవడానికి ఉత్తమమైనవి. ఈ పెట్టుబడి మార్గాలు సాధారణంగా తక్కువ రాబడిని అందిస్తున్నప్పటికీ, అధిక లిక్విడిటీని కలిగి ఉంటాయి, దీంతో అవసరమైనప్పుడు సత్వరమే డబ్బును ఉపసంహరించుకునే సౌలభ్యం ఉంటుంది.
మీరు స్వల్పకాలిక లక్ష్యాలను త్రైమాసిక, నెలవారీ, వార, రోజువారీ లక్ష్యాలుగా విభజించవచ్చు. లిక్విడ్ ఫండ్స్, బ్యాంక్ ఫ్లెక్సీ-ఫిక్స్డ్ డిపాజిట్లు, బ్యాంక్ పొదుపు ఖాతాలు వంటి పెట్టుబడులుతో ఈ లక్ష్యాలకు చేరుకోవచ్చు. అయితే రిస్క్ ఎక్కువగా తీసుకునే పెట్టుబడుదారులైతే స్వల్పకాలిక లక్ష్య విలువలో 10-20 శాతం పరిధిలో ఈక్విటీకి కొంత మొత్తం కేటాయించవచ్చు. అదేవిధంగా మూడు సంవత్సరాల పెట్టుబడుల కోసం కూడా 100 శాతం పూర్తిగా ఈక్విటీలకు కేటాయించడం సరైన నిర్ణయం కాదు.
మూడు నుంచి ఐదు సంవత్సరాల పెట్టుబడుల స్వల్ప-మధ్యకాలిక వర్గంలోకి వస్తాయి. ఒక ముఖ్యమైన లక్ష్యం చేరుకోవడానికి రెండు సంవత్సరాల ముందు పూర్తిగా డెట్ పెట్టుబడులకు మారడం ఎల్లప్పుడూ మంచిదని నిపుణులు సూచిస్తున్నారు. లక్ష్యాన్ని చేరుకోవడానికి అవసరమైన నిధులు ఈక్విటీ ద్వారా నెరవేరుతుంటే, క్రమంగా సుమారు మూడు సంవత్సరాల ముందుగానే ప్రారంభమై, వచ్చే ఏడాదిలో పూర్తిగా డెట్లోకి మార్చేయాలి. అందుకే లక్ష్యాలను చేరుకోవడానికి ఈక్విటీలో పెట్టుబడుల కాలం మూడు సంవత్సరాల కన్నా తక్కువగా ఉండకూడదు.
ఒక లక్ష్యం కోసం ఈక్విటీలో పెట్టుబడులు నాలుగు నుంచి అయిదు సంవత్సరాలు కొంత వరకు ఆమోదయోగ్యమైనప్పటికీ, అక్కడ కూడా, డెట్, ఈక్విటీల్లో మిశ్రమంగా ప్రారంభించడం ఉత్తమం, ప్రారంభంలో అధిక ఈక్విటీ నిష్పత్తిని కలిగి ఉన్న హైబ్రిడ్ ఫండ్లను ఎంచుకోవచ్చు.
మూడు-అయిదు సంవత్సరాల కాలానికి మీ అనుకూలత ఆధారంగా , రిస్క్ సామర్థ్యాన్ని అంచనా వేసి ఈక్విటీ, డెట్ ఫండ్లలో మిశ్రమంగా పెట్టుబడులను ఎంచుకోవచ్చు. తక్కువ వ్యవధి కోసం, స్వల్పకాలిక డెట్ నిధులను పరిగణించవచ్చు. ఆర్బిట్రేజ్, స్వల్ప కాలిక ఫండ్ల ద్వారా ఆరు నెలల నుంచి ఒక సంవత్సరం వరకు కొన్ని లక్ష్యాలను చేరుకోవచ్చు, ఇది గరిష్టంగా 91 రోజుల మెచ్యూరిటీ వ్యవధిని కలిగి ఉంటుంది, దీంతో పాటు మూలధన నష్టం రిస్క్ తక్కువగా ఉంటుంది.
ఈక్విటీల్లో పెట్టుబడి పెట్టడం ద్వారా పన్ను ప్రయోజనాలతో పాటు రాబడిని పొందుతారు, ద్రవ్యోల్బణాన్ని అదిగమించవచ్చు. కానీ మొత్తం పెట్టుబడులన్నీ ఈక్విటీల్లో పెట్టడం సరైన నిర్ణయం కాదని ఆర్థిక నిపుణులు సూచిస్తున్నారు. మీ లక్ష్యాలు, అవసరాలకు అనుగుణంగా పెట్టుబడులను వర్గీకరించాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (30/04/24)
-
ఆ సినిమా చూశాక వ్యాక్సింగ్ మానేశా: తమన్నా
-
ఏపీ సీఎం జగన్ సతీమణి భారతికి చేదు అనుభవం
-
ప్రేమలో విఫలమైతే అలా చేయొద్దు: పూరి జగన్నాథ్
-
అప్పట్లో.. 4 సెకన్లు ఆలస్యంగా చంద్రయాన్ 3.. ఎందుకంటే!
-
‘బాయ్ఫ్రెండ్ ఓవర్సైజ్డ్ షర్ట్’లో అషు.. కీర్తి సురేశ్ చిల్!