Petrol Price: చల్లారని పెట్రో ధరల మంట!

దిల్లీ: పెట్రోలు ధరల పెంపు పరంపర కొనసాగుతూనే ఉంది. ఈ నెలలో ఇప్పటి వరకు చమురు విక్రయ సంస్థలు మూడుసార్లు ధరలు పెంచాయి. తాజాగా ఆదివారం లీటరు పెట్రోలుపై రూ.36 పైసలు, లీటరు డీజిల్‌పై 20 పైసల వంతున పెరిగింది.  ఈ పెంపుతో హైదరాబాద్‌లో పెట్రోల్  రూ.103.41; డీజిల్‌ రూ.97.40కు చేరుకుంది. తిరుపతి, విజయవాడలలో డీజిల్‌ ధరలు సెంచరీకి చేరువవుతున్నాయి.

ఈ ఏడాది మే 4 నుంచి పెట్రోల పెరుగుదల ప్రారంభమైన విషయం తెలిసిందే. ఇప్పటి వరకు 35 సార్లు పెట్రోలు ధరలు పెరిగాయి. మొత్తంగా రెండు నెలల కాలంలో లీటరు పెట్రోలుపై రూ.9.12 పెరిగింది. ఇదే సమయంలో డీజిల్‌ ధర లీటరుకు రూ. 8.71 ఎగబాకింది.

వివిధ నగరాల్లో లీటరు పెట్రోలు/డీజిల్‌ ధరల వివరాలు రూపాయల్లో..

నగరం                పెట్రోలు        డీజిల్‌

దిల్లీ                  99.51         89.36

కోల్‌కతా              99.45         92.27

ముంబయి           105.58         96.91

చెన్నై                100.53         93.99

బెంగళూరు          102.84         94.72