చైనా సహనానికి బైడెన్ ‘తొలి పరీక్ష’..!
చైనా సాంకేతికత, దాని భద్రతపై అనేక అనుమానాలు వ్యక్తం చేస్తున్న అమెరికా మరో కీలక నిర్ణయం తీసుకుంది. ఆ దేశానికి చెందిన మరో ఏడు సంస్థలకు ఎలక్ట్రానిక్ పరికరాలు, ఇతరత్రా సాంకేతికత సాయాన్ని ఎగుమతి చేయడాన్ని నిషేధించింది........
అమెరికా బ్లాక్లిస్ట్లోకి మరో ఏడు సంస్థలు
ఇంటర్నెట్డెస్క్ ప్రత్యేకం
అమెరికా అధ్యక్ష పదవి నుంచి ట్రంప్ దిగిపోతుంటే చైనా ఆనందానికి హద్దేలేకుండా పోయింది.. ఆ దేశ పత్రిక గ్లోబల్ టైమ్స్ వెక్కిరిస్తూ కథనాలు రాసింది.. బైడెన్ రావడంతోనే ‘హ్యాపీడేస్’ వస్తాయని ఆశించింది.. కానీ, ట్రంప్ చైనాపై పెంచిన వాణిజ్య ఒత్తిడిని తొలగించే ప్రయత్నం బైడెన్ ఏమాత్రం చేయడంలేదు. పైగా దానిని మెల్లగా పెంచే యత్నం చేస్తున్నారు.
తాజాగా బైడన్ కార్యవర్గం మరో ఏడు సంస్థలను ‘బ్లాక్లిస్ట్’లోకి నెట్టింది. చైనా సైన్యానికి ఆ సంస్థలు సాయం చేయడమే కారణమని పేర్కొంది. చైనా సంస్థలు అమెరికా టెక్నాలజీ పొందకుండా బైడెన్ ఆంక్షలు విధించడం ఇదే తొలిసారి. వీటిల్లో మూడు సంస్థలతోపాటు నాలుగు చైనా నేషనల్ కంప్యూటర్ సెంటర్కు చెందిన మూడు బ్రాంచీలు ఉన్నాయి.
ఈ ఆంక్షల దెబ్బకు ఆయా సంస్థలకు అమెరికా నుంచి ఎటువంటి సాంకేతికత అయినా వెళ్లాలంటే కఠినమైన అనుమతుల ప్రక్రియను దాటాల్సి ఉంది. దీనిపై అమెరికా డిపార్ట్మెంట్ ఆఫ్ కామర్స్ స్పందిస్తూ.. ఆయా సంస్థలు చైనా సైన్యం సామూహిక విధ్వంస ఆయుధాలను అభివృద్ధి చేసేందుకు అవసరమైన సూపర్ కంప్యూటర్లను సమకూరుస్తున్నాయి’’ అని పేర్కొంది. అమెరికా వాణిజ్య విభాగ కార్యదర్శి జినా రెయిమాండో మాట్లాడుతూ ‘ అమెరికా టెక్నాలజీని వాడుకొని సైన్యాన్ని ఆదునీకరించాలన్న చైనా వ్యూహాన్ని సర్వశక్తులు ఒడ్డి అస్థిరపరుస్తాము’’ అని పేర్కొన్నారు.
ప్రభావం ఇలా..
బైడెన్ చర్యతో ఈ కంపెనీలు మొత్తం అమెరికా టెక్నాలజీ పొందడానికి లైసెన్స్లు తీసుకోవాల్సి ఉంటుంది. వీటిల్లో ఇంటెల్ వంటి సంస్థలు తయారు చేసే చిప్లు కూడా ఉన్నాయి. ఈ సంస్థలకు అమెరికాలోని కంపెనీలు ఎటువంటి వస్తువులు, సర్వీస్ను అందజేయవు. అమెరికా బయట నిర్మించిన కర్మాగారాల నుంచి మాత్రం కొనుగోలు చేసుకొనే అవకాశం ఉంది. టీఎస్ఎంసీ నుంచి చైనా కొనుగోలు చేసుకొనే అవకాశం సజీవంగా ఉంది.
సూపర్ కంప్యూటర్ ఏమిటీ..?
సాధారణ కంప్యూటర్తో పోలిస్తే సూపర్ కంప్యూటర్ కొన్ని వేల రెట్లు శక్తిమంతమైంది. ఇది క్షణకాలంలో వందల కోట్ల లెక్కలను పరిష్కరించగలదు. కొన్ని వేల ప్రాసెసర్లను అనుసంధానించి తయారు చేస్తారు. ఇది వాతవరణం పరిశోధనలకు, అణుపరీక్షల నకళ్లను కృత్రిమంగా కంప్యూటర్లలో సృష్టించడం, ఔషధాల పరిశోధనలకు వాడుతుంటారు. ఒక్క ముక్కలో చెప్పాలంటే అత్యాధునిక ఆయుధాలు, జాతీయ భద్రతా వ్యవస్థల తయారీలో సూపర్ కంప్యూటర్లు అత్యంత కీలకమైన పాత్రను పోషిస్తాయి. న్యూక్లియర్, హైపర్సానిక్ ఆయుధాలు కూడా చేయవచ్చు. ఇలాంటి వాటిని వాడుకొని చైనా ఆయుధాలను తయారు చేస్తోంది. దీంతో ఆయుధ శక్తిలో అమెరికా, చైనా మధ్య ఉన్న అంతరం గణనీయంగా తగ్గిపోయింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
-
రవి కిషన్కు ఊరట.. డీఎన్ఏ టెస్టుకు కోర్టు నిరాకరణ
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?
-
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్