డిజిలాకర్‌ ద్వారా సులభంగా కేవైసీ

ఖాతాదారుల నిధులకు భద్రత కల్పించడంతో పాటు బ్యాంకుల పాలన మరింత మెరుగు పరచేందుకు బ్యాంకింగ్‌ నియంత్రణ చట్టానికి సవరణలు చేస్తామని నిర్మలా సీతారామన్‌ తెలిపారు. అందరికీ ఆర్థిక సేవలు కల్పించడంలో సాంకేతికతను ఆర్థిక సంస్థలు వినియోగించుకుంటున్నాయని గుర్తుచేశారు. ప్రస్తుతం ఫిన్‌టెక్‌ సేవలు కూడా ఆధార్‌, పీఎం జన్‌ధన్‌ యోజన, వీడియో కేవైసీ, ఇండియా స్టాక్‌, యూపీఐ ద్వారా అందుతున్నాయని మంత్రి పేర్కొన్నారు. డిజిలాకర్‌ ద్వారా మరిన్ని ధ్రువీకరణ పత్రాలు సత్వరం అందుబాటులో ఉండేలా, ఆ సదుపాయాన్ని విస్తరిస్తామని తెలిపారు. డిజిలాకర్‌ సేవల ద్వారా గుర్తింపు, చిరునామాలను అప్‌డేట్‌ చేసేందుకు ‘వన్‌ స్టాప్‌ సొల్యూషన్‌’ను తీసుకురానున్నట్లు పేర్కొన్నారు.