Published : 15 Apr 2022 19:55 IST

Olectra truck: ఒలెక్ట్రా నుంచి హెవీ డ్యూటీ ఎలక్ట్రిక్‌ ట్రక్స్‌.. ట్రయల్స్‌ షురూ

దిల్లీ: ఎలక్ట్రిక్‌ బస్సుల తయారు చేస్తున్న హైదరాబాద్‌కు చెందిన ఒలెక్ట్రా గ్రీన్‌ లిమిటెడ్‌ మరో ముందడుగు వేసింది. త్వరలోనే ఎలక్ట్రిక్‌ టిప్పర్‌ను తీసుకురానుంది. దీనికి సంబంధించి ట్రయల్స్‌ మొదలయ్యాయి. 6×4 హెవీ డ్యూటీ ఎలక్ట్రిక్‌ ట్రక్‌ సింగిల్‌ ఛార్జ్‌తో 220 కిలోమీటర్ల ప్రయాణించగలదు. ఇప్పటికే ఎలక్ట్రిక్‌ బస్సు తయారీలో మార్కెట్‌ లీడర్‌గా ఉన్నామని, ఈ ట్రక్‌ ద్వారా ఎలక్ట్రిక్‌ టిప్పర్‌ విభాగంలోకి అడుగు పెడుతున్నామని ఒలెక్ట్రా గ్రీన్‌టెక్‌ ఓ ప్రకటనలో పేర్కొంది. త్వరలోనే హైదరాబాద్‌ శివార్లలో వీటి తయారీని ప్రారంభించనున్నట్లు తెలిపింది.

భారత్‌లోనే తొలి ఎలక్ట్రిక్‌ను తాము తీసుకొస్తున్నామని కంపెనీ ఛైర్మన్‌, మేనేజింగ్‌ డైరెక్టర్‌ కేవీ ప్రదీప్‌ ఈ సందర్భంగా తెలిపారు. శిలాజ ఇంధన ధరలు ఆకాశాన్ని తాకుతున్న నేపథ్యంలో ఈ విభాగంలో ఎలక్ట్రిక్‌ ట్రక్‌ పెనుమార్పులు తీసుకురాబోతోందని చెప్పారు. ఒలెక్ట్రా గ్రీన్‌టెక్‌ను మేఘ ఇంజినీరింగ్‌ అండ్‌ ఇన్‌ఫ్రాస్ట్రక్చర్‌ లిమిటెడ్‌ (MEIL) 2000 సంవత్సరంలో ప్రారంభించింది. 2015లో తొలి బస్సును ఈ కంపెనీ విడుదల చేసింది. పలు నగరాల్లో ఈ బస్సులు పరుగులు తీస్తున్నాయి.

Read latest Business News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని