Published : 04 Jul 2022 14:36 IST

Amazon primeday sale: ప్రైమ్‌ యూజర్లూ అలర్ట్‌.. ప్రైమ్‌ డే సేల్ ఈ సారి ముందుగానే!

ఇంటర్నెట్‌ డెస్క్‌: అమెజాన్‌ ప్రైమ్‌ డే సేల్ (Amazon primeday sale).. తరచూ ఆన్‌లైన్‌ షాపింగ్‌ చేసే వారికి పరిచయం అక్కర్లేని పేరు. ముఖ్యంగా అమెజాన్‌ ప్రైమ్‌ యూజర్లు ఈ సేల్‌లో భారీ డిస్కౌంట్లతో వస్తువులను కొనుగోలు చేయొచ్చు. భారత్‌లో సెప్టెంబర్‌, అక్టోబర్‌ నెలల్లో ప్రారంభమయ్యే పండగ సీజన్‌ను దృష్టిలో ఉంచుకుని ఏటా ఆగస్టులో ఈ సేల్‌ను నిర్వహిస్తోంది అమెజాన్‌. కానీ, ఈ సారి ముందుగానే నిర్వహించాలని నిర్ణయించింది.

అమెరికా, యూరప్‌ సహా పలు దేశాల్లో జులై 12-13 తేదీల్లో అమెజాన్‌ ప్రైమ్‌ డే సేల్‌ నిర్వహించేందుకు అమెజాన్‌ సిద్ధమైంది. ఆ తర్వాత సౌదీ అరేబియా, యునైటెడ్‌ అరబ్‌ ఎమిరేట్స్‌, ఈజిప్ట్‌లో కూడా ఈ సేల్‌ జరగనుంది. వీటికి సంబంధించిన తేదీలు ఇంకా ఖరారు కాలేదు. అయితే, ఈ దేశాలతో పాటే భారత్‌లోనూ సేల్‌ నిర్వహించనున్నామని ఇంతకుముందు అమెజాన్‌ ప్రకటించింది. ఈ నేపథ్యంలో జులైలోనే అమెజాన్‌ ప్రైమ్‌ డే సేల్‌ జరగనుందని తెలుస్తోంది.

మరోవైపు ఈ సేల్‌కు సిద్ధమవ్వాలని సెల్లర్లకు ఇప్పటికే అమెజాన్‌ ఈ-మెయిల్స్‌ పంపుతున్నట్లు తెలుస్తోంది. రెండు రోజుల పాటు నిర్వహించే ఈ సేల్‌లో పాల్గొనేందుకు స్టాక్‌ను సిద్ధం చేసుకోవాలని సూచించింది. జులై 21 నుంచి ఈ సేల్‌ జరిగే అవకాశం ఉందని భోగట్టా. త్వరలోనే ఈ తేదీపై ఓ స్పష్టత రానుంది. ఈ సేల్‌లో ఏయే వస్తువులను ఉంచుతున్నారు? ఎంత డిస్కౌంట్‌ లభించనుంది? ఏ కార్డుపై ఆఫర్లు ఉంటాయి? వంటివి తెలియాలంటే కొద్ది రోజులు ఆగాల్సిందే. కాబట్టి ప్రైమ్‌ యూజర్లు ఈ సేల్‌పై ఓ కన్నేసి ఉంచండి.

Read latest Business News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని