Accident: మహిళలపైకి దూసుకెళ్లిన కారు.. ముగ్గురి మృతి

విల్లుపురం: తమిళనాడు(Tamil Nadu)లో ఘోర ప్రమాదం చోటుచేసుకుంది. ఆదివారం తెల్లవారు జామున ఓ జంక్షన్‌ వద్ద వేచి చూస్తున్న జన సమూహం పైకి ఓ కారు దూసుకెళ్లింది. ఈ ఘటనలో ముగ్గురు మహిళలు మృతిచెందగా.. మరికొందరికి గాయాలైనట్టు అధికారులు వెల్లడించారు.  ప్రమాదానికి కారణమైన కారు ఈ ఉదయం పుదుచ్చేరి వైపు వెళ్తుండగా కీలపుతుపట్టు వద్ద దుర్ఘటన చోటుచేసుకుందని తెలిపారు. 

• ఇదీ చదవండి.. శామీర్‌పేట్‌ కాల్పుల ఘటన.. నటుడు మనోజ్‌కు రిమాండ్‌

 ఈ ఘటనపై తమిళనాడు సీఎం ఎంకే స్టాలిన్‌(MK stalin) స్పందించారు. ఈ ప్రమాదంపై తీవ్ర విచారం వ్యక్తం చేసిన ఆయన.. మృతులకు రూ.2లక్షల చొప్పున ఎక్స్‌గ్రేషియో ప్రకటించారు.  ఈ ఘటనలో ఒక మహిళకు తీవ్ర గాయాలు కాగా.. మరో ఇద్దరికి స్వల్ప గాయాలవ్వడంతో చికిత్స నిమిత్తం వారిని ఆస్పత్రిలో చేర్పించారు. వారికి కూడా సీఎం ఆర్థిక సాయం ప్రకటించారు.