నామినేషన్ల స్వీకరణ ఏర్పాట్లు పరిశీలన

ఆదిలాబాద్ కలెక్టరేట్: ఆదిలాబాద్ పార్లమెంట్ పరిధిలో రేపటి నుంచి రాజకీయ పార్టీల అభ్యర్థుల నామినేషన్ పత్రాల స్వీకరణ ప్రారంభం కానుంది. ఈ నేపథ్యంలో కలెక్టరేట్ పరిసరాల్లో ఏర్పాట్లను కలెక్టర్ రాజర్షి షా, ఎస్పీ గౌష్ ఆలం తో కలిసి పరిశీలించారు. 100 అడుగుల దూరంలో ఎవరిని అనిమతించకుండా బారికేడ్లు నిర్మించారు. ఉదయం 11 గంటల నుంచి మధ్యాహ్నం 3 గంటల వరకు కలెక్టరేట్ రోడ్డు వైపు రాకపోకలు నిలిపివేయాలని, ట్రాఫిక్‌ను కుమురంభీం చౌక్ నుంచి ఎంపీడీఓ కార్యాలయ మార్గం గుండా మళ్లించాలని పోలీసులకు సూచించారు. వెంట ఐటీడీఏ పీవో ఖుష్భూ గుప్తా, డీఎస్పీలు జీవన్ రెడ్డి, శ్రీనివాస్ తదితరులు ఉన్నారు.