భార్య బుగ్గకొరికిన భర్తపై కేసు

పెనమలూరు, న్యూస్‌టుడే: భార్య బుగ్గ కొరికి గాయపర్చిన భర్తపై పెనమలూరు పోలీసులు కేసు నమోదు చేశారు. పోలీసులు తెలిపిన వివరాల ప్రకారం కృష్ణా జిల్లా కానూరు కేసీపీ కాలనీకి చెందిన తాళ్లపూడి స్రవంతి, రాంబాబులు భార్యాభర్తలు. భర్త కాపలాదారుగా పనిచేస్తుంటాడు. ఇతను మద్యానికి బానిసై భార్యను వేధింపులకు గురిచేస్తున్నాడు. ఆదివారం సాయంత్రం మద్యం తాగి వచ్చి భార్యతో వివాదానికి దిగాడు. భార్య మందలించడంతో ఆగ్రహం చెందిన ఇతను ఆమెపై దాడి చేసి బుగ్గ కొరికేశాడు. చికిత్స పొందిన అనంతరం ఈమె సోమవారం పోలీసులకు ఫిర్యాదు చేయగా భర్త రాంబాబుపై కేసు నమోదు చేసి దర్యాప్తు చేస్తున్నారు.