నియంత్రించాల్సిన చోటా.. విస్తరిస్తోంది!

ఆసుపత్రిలో కరోనా నిర్ధారణ పరీక్షలు చేస్తున్న సిబ్బంది

కరోనాను నియంత్రించాల్సిన చోటే విస్తరించేందుకు కారణం అవుతోంది. జిల్లా కేంద్రంలోని ప్రభుత్వ ఆసుపత్రి ఆవరణలోనే కరోనా అనుమానితులకు పరీక్షలు చేస్తున్నారు. పాజిటివ్‌ వస్తే.. అక్కడే రోగికి మందుల చీటీ రాసిస్తున్నారు. సాధారణ రోగులు తీసుకునే మందుల గది వద్దే కరోనా బాధితులు సైతం బారులు తీరుతున్నారు. విషయం తెలుసుకున్న కొందరు సాధారణ రోగులు భయాందోళన చెందుతున్నారు. పరీక్షలు జరిపిన చోటే మందులు ఇస్తే.. ఎలాంటి ముప్పు ఉండదని పలువురు పేర్కొంటున్నారు. ఆ దిశగా చర్యలు తీసుకోవాలని కోరుతున్నారు. - ఈనాడు, అనంతపురం

సాధారణ రోగులతోపాటు మందులు తీసుకెళ్తూ..