Tadipatri: కత్తితో దంపతులపై దుండగులు దాడి

తాడిపత్రి: అనంతపురం జిల్లా తాడిపత్రిలో దంపతులపై దాడి జరిగింది. కొంతమంది దుండగులు విజయనగర్‌ కాలనీకి చెందిన దంపతులపై కత్తితో దాడి చేశారు. పోలీసులు తెలిపిన వివరాల ప్రకారం.. ఉదయాన్నే రమాదేవి అనే మహిళ ఇంటి ముందు ముగ్గు వేస్తోంది. అదే సమయంలో  ఇద్దరు దుండగులు ద్విచక్రవాహనంపై వచ్చి కత్తితో మహిళ గొంతు కోశారు. అక్కడే ఉన్న రమాదేవి భర్త వెంకటరామిరెడ్డి.. వారిని అడ్డుకోవడంతో అతడిపై కూడా దాడికి పాల్పడ్డారు. 

అయితే దుండగులు పాత కక్షలతో చేశారా? బంగారం కోసం చేశారా? అనే విషయాలు తెలియాల్సి ఉంది. సమాచారం అందుకున్న పట్టణ సీఐ హమిత్‌ఖాన్‌ ఘటనాస్థలికి చేరుకుని సీసీ కెమేరాలను పరిశీలించారు. ఘటనపై కేసు నమోదు చేసి దర్యాప్తు చేస్తున్నారు. బాధితులను ఆస్పత్రికి తరలించి చికిత్స అందిస్తున్నారు.