ప్రతిభ చాటిన విద్యార్థులు

ధ్రువపత్రాలు చూపుతున్న విద్యార్థులు

చిత్తూరు విద్య: జాతీయ స్థాయి ఆవిష్కర్‌-2023లో స్థానిక సీతమ్స్‌ కళాశాల విద్యార్థులు పేపర్‌ ప్రజËంటేషన్‌ చేసి ద్వితీయ బహుమతి సాధించారని ప్రిన్సిపల్‌ వెంకటాచలపతి సోమవారం ఓ ప్రకటనలో తెలిపారు. కళాశాలలో బీటెక్‌(ఈసీఈ) నాలుగో సంవత్సర విద్యార్థులు పృధ్వి, దినేష్‌  తిరుపతిలోని శ్రీరామ ఇంజినీరింగ్‌ కళాశాలలో నిర్వహించిన కార్యక్రమంలో చక్కగా పేపర్‌ ప్రజంటేషన్‌ చేసి బహుమతులతో పాటు ధ్రువపత్రాలు సాధించారన్నారు. వీరిని కళాశాల ఛైర్మన్‌ రంగనాథం, మేనేజింగ్‌ ట్రస్టీ డీఏ కల్పజ, కార్యదర్శి డీకే బద్రీనారాయణ అభినందించారని పేర్కొన్నారు.