చీకట్లోనే తనిఖీలు.. చిక్కేరా ఉల్లం‘ఘనులు’

చీకట్లో షామియానాలతో కనిపిస్తున్న తనిఖీ కేంద్రం
చంద్రగిరి గ్రామీణ, న్యూస్‌టుడే: అసలే చంద్రగిరి.. తాయిలాలు.. ప్రలోభాలు తారస్థాయిలో జరుగుతున్న వేళ నియోజకవర్గంలోని ఓ తనిఖీ కేంద్రం దుస్థితి చూస్తే ముక్కున వేలేసుకోవాల్సిందే. ఎన్నికలవేళ అప్రమత్తంగా వ్యవహరించాల్సిన అధికారులు ఎ.రంగంపేట తనిఖీ కేంద్రంపై శీతకన్ను వేశారు. ఇక్కడ ఏమాత్రం మౌలిక వసతులు కల్పించలేదు. అంధకారంలో టార్చ్‌లైట్‌ వెలుతురులోనే తనిఖీలు చేస్తున్నారు. కేంద్రంలో ముగ్గురు పోలీసు సిబ్బంది, ఇతర శాఖలకు చెందిన మరో ఇద్దరు ఉండగా ఇక్కడ కేంద్రం ఉందన్న విషయమే తెలియడం లేదు. డీఎస్పీ స్థాయి అధికారులు వచ్చి వెళ్లినప్పటికీ మౌలిక వసతులు సమకూర్చకపోవడం శోచనీయం.