ఒకటే యంత్రం.. లేదే పరిష్కారం

కాకినాడ జీజీహెచ్‌లో సీటీ స్కానింగ్‌ కేంద్రం వద్ద నిరీక్షిస్తున్న రోగులు, వారి బంధువులు వీరంతా. ఒక్కటే యంత్రం ఉండటం.. బాధితుల తాకిడి ఎక్కువ కావటంతో అత్యవసర స్థితిలో ఉన్న రోగులకు సైతం ఇక్కట్లు తప్పటం లేదు. ఇక్కడ ప్రతి రోజూ సరాసరి 100 నుంచి 120 మంది రోగులకు స్కానింగ్‌ చేస్తుంటారు. ఒక్కో రోగి పరిస్థితిని అనుసరించి 10 నుంచి 30 నిమిషాల సమయం పడుతుంది. ఈ లెక్కన ఆసుపత్రిలో ఒకే యంత్రం ఉండటంతో రోగులకు నిరీక్షణ తప్పటం లేదు. ఒకరకంగా చెప్పాలంటే.. అత్యవసర పరిస్థితిలో ఉన్న రోగులు, వారి బంధువుల వేదన వర్ణనాతీతం. మరో యంత్రం ఏర్పాటు చేస్తే సమస్య కొంత వరకు తగ్గుతుందని బాధితులు కోరుతున్నారు. ఈవిషయమై ఆసుపత్రి సూపరింటెండెంట్‌ వెంకట బుద్ధ దృష్టికి తీసుకెళ్లగా.. గురువారం రోగుల తాకిడితో నిరీక్షించే పరిస్థితి ఎదురైందనీ.. మరో సీటీ స్కానింగ్‌ యంత్రం ఏర్పాటుకు ఎలాంటి ప్రతిపాదన లేదన్నారు. -ఈనాడు, కాకినాడ