తెదేపా విజయోత్సవం

కోరుకొండలో పార్టీ శ్రేణుల సందడి

కోరుకొండ, న్యూస్‌టుడే: పట్టభద్రుల ఎమ్మెల్సీ ఎన్నికల్లో తెదేపా మూడు చోట్లా విజయం సాధించడం పట్ల కోరుకొండలో విజయోత్సవాన్ని సోమవారం ఆ పార్టీ శ్రేణులు ఉత్సాహంగా నిర్వహించాయి. రాజానగరం మాజీ ఎమ్మెల్యే పెందుర్తి వెంకటేష్‌ ఆధ్వర్యంలో స్థానిక హరేరామ కల్యాణ మండపం నుంచి లక్ష్మీనరసింహస్వామివారి ఆలయం రహదారి మీదుగా బస్టాండు వరకు నాయకులు, కార్యకర్తలు ద్విచక్ర వాహన ర్యాలీ నిర్వహించారు. ఎన్టీఆర్‌ విగ్రహం వద్ద కేక్‌ కట్‌ చేశారు. రాష్ట్రంలో తెదేపాకి పట్టం కట్టేందుకు ప్రజలు సిద్ధంగా ఉన్నారని మాజీ ఎమ్మెల్యే పెందుర్తి వెంకటేష్‌ తదితరులు అభిప్రాయం వ్యక్తం చేశారు.