సంక్షేమ పథకాలకు బీజం వేసిన ఘనత తెదేపాదే

తాళ్లపూడి: పేదలకు సంక్షేమ పథకాలు అమలు చేసిన ఘనత తెదేపాకే దక్కుతుందని తెదేపా మండల అధ్యక్షుడు నామన పరమేశ్వరరావు తెలిపారు. తాళ్లపూడి మండంలోని పెద్దేవం, మలకపల్లి, తాడిపూడి, అన్నదేవరపేట తదితర గ్రామాల్లో తెదేపా ఆవిర్భావ దినోత్సవ వేడుకలు ఘనంగా జరిగాయి. ఆయా గ్రామాల్లో ఎన్నికల నిబంధనలను పాటించి పార్టీజెండాను ఎగురవేశారు. ఎన్టీఆర్ చిత్రపటానికి పూలమాలలు వేసి నివాళులర్పించారు. రానున్న ఎన్నికల్లో ఉమ్మడి పార్టీ విజయం సాధిస్తుందన్నారు. తెదేపా సీనియర్ నాయకులు ఎల్లూరి బాబ్జీ, సిద్దా దుర్గారావు, రేఖపల్లి ముత్యాలరావు, బోడపాటికాశీ, తిరిగిపలి గోపి, తదితరులు పాల్గొన్నారు.