వైకాపా సోషల్‌ మీడియా బృందం నుంచి వేధింపులు

పోలీసులకు ఫిర్యాదు చేస్తున్న పరుచూరి రమ్య, ఇతర నాయకులు

తెనాలి టౌన్‌, న్యూస్‌టుడే : వైకాపా సోషల్‌ మీడియా బృందం కొన్ని రోజులుగా తనను వేధిస్తోందని, వ్యక్తిగతంగా కించపరుస్తూ అసభ్యకర పోస్టింగ్‌లు పెట్టడం, ఫోన్లు చేసి అసభ్యంగా మాట్లాడటం చేస్తున్నారని తెలుగు మహిళ తెనాలి నియోజకవర్గ అధ్యక్షురాలు పరుచూరి రమ్య తెలిపారు. ఈ మేరకు ఆమె పలువురు తెలుగుదేశం పార్టీ నాయకులతో కలిసి సోమవారం రెండో పట్టణ పోలీసులకు ఫిర్యాదు చేశారు. తన వద్ద ఉన్న సమాచారాన్ని అందించి వారిపై చర్యలు తీసుకోవాలని కోరారు. ఈ సందర్భంగా పార్టీ నాయకుడు ఖుద్దూస్‌ మాట్లాడుతూ తమ నాయకురాలిని వేధించిన వారిపై పోలీసులు చర్యలు తీసుకోకుంటే ఉద్యమిస్తామని స్పష్టం చేశారు. మహేష్‌, రమాదేవి, మీనా, హరికృష్ణ, విజయ్‌, అశోక్‌వర్థన్‌, జాఫర్‌, పూర్ణ, ప్రసాద్‌, కన్నయ్య, గిరి తదితరులు పాల్గొన్నారు.