పాఠశాల విద్యార్థులకు యూబీఐ వితరణ

విద్యార్థినులకు సైకిళ్లు అందజేస్తున్న యూబీఐ ఎండీ, సీఈవో మణిమేఖలై

బేగంబజార్‌, న్యూస్‌టుడే: కార్పొరేట్‌ సామాజిక బాధ్యతలో భాగంగా యూనియన్‌ బ్యాంకు ఆఫ్‌ ఇండియా ఎండీ, సీఈవో ఎ.మణిమేఖలై ఆదివారం గౌలిగూడ, మహబూబ్‌గంజ్‌లోని శ్రీ సావిత్రి కన్య ఉన్నత పాఠశాలను సందర్శించి విద్యార్థినులకు 50 సైకిళ్లు, స్కూల్‌ సంచులు, గొడుగులు, గోద్రేజ్‌ స్టోరేజ్‌ యూనిట్‌, వాటర్‌ కూలర్‌ అందించారు. ఉస్మాన్‌గంజ్‌లోని భాగ్యనగర్‌ అయ్యప్ప సేవా సమితి(బాస్‌) అనాథ శరణాలయాన్ని సందర్శించి 8 సైకిళ్లు, స్మార్ట్‌ టీవీ, వాటర్‌ కూలర్‌, రిఫ్రిజిరేటర్‌, 8 ఫ్యాన్లు అందజేశారు. బాస్‌ గౌరవ సలహాదార్లు దేవర రాజేశ్వర్‌, కట్ట మల్లేశం, బ్యాంకు అధికారులు కబీర్‌ భట్టాచార్య, సురేశ్‌, ప్రమోద్‌కుమార్‌, అజయ్‌పాల్‌ తదితరులు పాల్గొన్నారు.