రంగంలోకి దిగిన ఎన్‌ఐఏ

ప్రవీణ్‌ నెట్టారు

మంగళూరు, న్యూస్‌టుడే : సుళ్య తాలూకా బెళ్లారెలో భాజపా యువ మోర్చా కార్యకర్త ప్రవీణ్‌ నెట్టారు హత్య కేసు దర్యాప్తును జాతీయ తనిఖీ దళం (ఎన్‌ఐఏ) ప్రారంభించింది. దిల్లీలో ఈ కేసుకు సంబంధించి కొత్త ఎఫ్‌ఐఆర్‌ దాఖలు చేసుకుంది. ఈ వారంలోనే ఎన్‌ఐఏ ప్రతినిధులు కర్ణాటకకు వచ్చి దర్యాప్తు ప్రారంభించనున్నారని సంబంధిత వర్గాలు వెల్లడించాయి. ప్రవీణ్‌ హత్య కేసుకు సంబంధించి సుళ్య సమీపంలోని నావూరకు చెందిన అబిద్‌, బెళ్లారె నివాసి నౌఫాల్‌ను స్థానిక పోలీసులు ఆదివారం రాత్రి అరెస్టు చేశారు. వీరి అరెస్టుతో ఇప్పటి వరకు అరెస్టయిన వారి సంఖ్య ఆరుకు చేరింది. హత్యకు ముందే నిందితులు రెక్కీ నిర్వహించారని గుర్తించారు. ప్రవీణ్‌ తన మాంసం దుకాణం నుంచి బయటకు వచ్చే సమయం కోసం పొంచి ఉండి, హత్య చేశారని తేలింది.