ఆకలితో అలమటించి

ఐదేళ్ల కిందట తోడు పోయింది.. ఆదుకోవాల్సిన కుమారుడు మత్తుకు బానిసయ్యాడు.. గూడు లేదు.. కూడు లేదు. సత్రాల్లో తలదాచుకుని పొట్టనింపుకొంది.. జబ్బు చేయడంతో సత్రం గడప దాటాలన్నారు.. విధిలేని పరిస్థితుల్లో శిథిల భవనమే ఇల్లైంది.. జబ్బు పెరగడం.. తిండి లేకపోవడంతో ఆదివారం అవుకు మండలంలోని చెర్లోపల్లెలో మృత్యుఒడికి చేరారు. ఈ ఘటనకు సంబంధించి అనాథ శవంగా ఆదివారం పోలీసులు కేసు నమోదు చేశారు. మృతురాలి వద్ద లభించిన ఆధారాలతో సంజామల మండలం ఆకులమళ్లకు చెందిన పుల్లమ్మ(75)గా గుర్తించారు. తల్లి చనిపోయినట్లు తెలిసినా కుమారుడు రాకపోవడం, మృతదేహం కుళ్లిపోవడంతో బనగానపల్లి వైద్యులు గ్రామానికి వెళ్లి శవపరీక్ష చేశారు. అధికారుల సమక్షంలో సోమవారం అంత్యక్రియలు నిర్వహించినట్లు ఎస్సై నరేంద్ర తెలిపారు.  

అవుకు, న్యూస్‌టుడే