ఆ పథకాలు పేదింటి ఆడబిడ్డలకు వరంలాంటివి

బీర్కూర్‌: పేదింటి ఆడబిడ్డలకు ప్రభుత్వం అమలు చేస్తు్న్న కల్యాణ లక్ష్మి, షాదీముబారక్‌ పథకాలు వరం లాంటివని ఎంపీపీ రఘు, మాజీ జడ్పీటీసీ సభ్యుడు ద్రోణవల్లి సతీశ్‌ అన్నారు. మండల కేంద్రంలోని ఎంపీడీవో కార్యాలయంలో శనివారం ఎనిమిది గ్రామాలకు చెందిన 29 మంది లబ్ధిదారులకు కల్యాణలక్ష్మి, షాదీముబారక్‌ చెక్కులను పంపిణీ చేశారు. అనంతరం ఎంపీపీ మాట్లాడుతూ.. బీర్కూర్‌, బైరాపూర్‌, బరంగ్‌ఎడిగి, అన్నారం, దామరంచ, కిష్టాపూర్‌, వీరాపూర్‌, తిమ్మాపూర్‌ గ్రామాల్లోని 17 మంది లబ్ధిదారులకు కల్యాణలక్ష్మి, 12 మందికి షాదీముబారక్‌ చెక్కులను అందజేసినట్లు తెలిపారు. కార్యక్రమంలో కో-ఆప్షన్‌ సభ్యుడు అరీఫ్‌, ఎంపీటీసీ సభ్యుడు సందీప్‌, సర్పంచిలు నాగేశ్వరరావు, బాబూరావు, వైస్‌ ఎంపీపీ కాశీరాం, తెరాస యువజన సంఘం మండల అధ్యక్షుడు శశికాంత్‌, తెరాస నాయకులు రాజు, రఘు తదితరులు పాల్గొన్నారు.