ఇంటి బిల్లు రూ. 1.77 లక్షలు

ప్రతినెల రూ.వందల్లో వచ్చే విద్యుత్తు బిల్లు రూ.లక్షల్లో వస్తే ఎవరైనా నిర్ఘాంతపోతారు. అలాంటి ఘటనే నందిపేట్‌లో తాజాగా వెలుగుచూసింది. సయ్యద్‌ మహబూబ్‌ ఇంట్లో(ఎస్‌సీ నం: 50950 03195) జనవరిలో కేవలం 42 యూనిట్లు తిరిగింది. ఛార్జి బిల్లు రూ.1,76,720 తోపాటు కస్టమర్‌ ఛార్జి రూ.160, ఎలక్ట్రిసిటీ డ్యూటీ రూ.1069 అన్ని కలిపి అక్షరాల రూ.1,77,970 వచ్చింది. నివ్వెరపోయిన వినియోగదారుడు ‘న్యూస్‌టుడే’కు సమాచారం ఇచ్చారు. ఈ విషయమై ఏడీ అశోక్‌ను సంప్రదించగా.. సాంకేతిక కారణంతో ఈ తప్పిదం జరిగిందని, సిబ్బందితో సంబంధిత మీటరును తనిఖీ చేయించి సరిదిద్దారు.

న్యూస్‌టుడే, నందిపేట్‌ గ్రామీణం