‘కావాలనే తప్పుడు కేసులతో వేధింపులు’

కరపత్రాలను పంపిణీ చేస్తున్న డీసీసీ అధ్యక్షురాలు సత్యవతి, చిత్రంలో కాంగ్రెస్‌ నాయకులు

పాతశ్రీకాకుళం, న్యూస్‌టుడే: ఏఐసీసీ అధినేత్రి సోనియాగాంధీపై భాజపా ప్రభుత్వం బనాయించిన అక్రమ కేసులు వెంటనే ఉపసంహరించుకోవాలని జిల్లా కాంగ్రెస్‌ కమిటీ అధ్యక్షురాలు బొడ్డేపల్లి సత్యవతి డిమాండ్‌ చేశారు. జిల్లా కేంద్రంలోని ఇందిరా విజ్ఞాన్‌ భవన్‌లో గురువారం ఏర్పాటు చేసిన విలేకరుల సమావేశంలో ఆమె మాట్లాడారు. గాంధీ కుటుంబాన్ని మాత్రం ఈడీను అడ్డం పెట్టుకుని కావాలనే తప్పుడు కేసులతో వేధిస్తున్నారని చెప్పారు. అనంతరం సత్యమేవ జయతే కరపత్రాన్ని ప్రజలకు పంపిణీ చేశారు. సమావేశంలో డీసీసీ నాయకులు అన్నాజీరావు, గోవింద మల్లిబాబు, కృష్ణారావు, నారాయణరావు, తదితరులు పాల్గొన్నారు