దివ్యాంగుల రాష్ట్ర క్రికెట్‌ జట్టు ఎంపిక

తిరుపతి(క్రీడలు), న్యూస్‌టుడే: ఆంధ్రప్రదేశ్‌ దివ్యాంగుల రాష్ట్ర క్రికెట్‌ జట్టును ఎంపిక చేసినట్లు ఏపీడీసీఏ కార్యదర్శి, భారత దివ్యాంగుల క్రికెట్‌ జట్టు కెప్టెన్‌ వై.వసంతకుమార్‌ పేర్కొన్నారు. తిరుపతి హోటల్‌ భీమాస్‌ రెసిడెన్సీలో సోమవారం ఏపీడీసీఏ అధ్యక్షుడు భీమాస్‌ అశోక్‌ రాష్ట్ర జట్టును ప్రకటించారు. కెప్టెన్‌గా వి.చిన్నమునుస్వామిరెడ్డి(నెల్లూరు), వైస్‌ కెప్టెన్‌గా శివకోటి(కడప)ని ఎంపిక చేశారు. జట్టు సభ్యులుగా అన్వేష్‌, బాలాజీబాబు(నెల్లూరు), బాలాజీ(కడప), కె.ఎస్‌.ఆర్‌.కె.రెడ్డి, కిర్తీరాజు(పశ్చిమ గోదావరి), ఈశ్వర్‌(విజయనగరం), అంజి నాయుడు, నరేష్‌, నాగరాజు, ఎం.బాలకృష్ణ, పి.మునిశేఖర్‌(చిత్తూరు), గణేష్‌(కృష్ణా), వేణు(అనంతపురం), మోహన్‌, ఎస్‌.కె.అబ్దుల్‌ సలీం, ఆర్‌.తులసీకృష్ణ, ఎస్‌.అభిబుల్లా(తిరుపతి), బాబులా దాస్‌(శ్రీకాకుళం) ఎంపికైనట్లు తెలిపారు. జట్టు ఆగస్టు 7 నుంచి 16వరకు విజయవాడలో జరగనున్న 3వ జాతీయ టీ-20 ఛాలెంజ్డ్‌ ఛాంపియన్‌షిప్‌- 2022 టోర్నీలో పాల్గొంటుందన్నారు.