విదేశాలకు బాలికల అసభ్యకర వీడియోలు

తిరుచ్చిలో నిందితుడి ఇంట్లో సీబీఐ సోదాలు

ఆర్కేనగర్‌, న్యూస్‌టుడే: మైనర్ల అసభ్యకర వీడియోలు విదేశాలకు పంపుతున్న తిరుచ్చికి చెందిన వ్యక్తి ఇంట్లో సీబీఐ అధికారులు సోదాలు నిర్వహించారు. అధికారుల కథనం మేరకు....తిరుచ్చి జిల్లా మణప్పారైలోని పూమాలైపట్టి ప్రాంతానికి చెందిన రాజా పదేళ్ల క్రితం లండన్‌లో ఉన్నాడు. ప్రస్తుతం తిరుప్పూర్‌లో పనిచేస్తున్నాడు. ఈ నేపథ్యంలో దిల్లీ నుంచి ఆరుగురు సీబీఐ అధికారులు మణప్పారై పోలీసుల సాయంతో తిరుచ్చి జిల్లా ప్రధానకోర్టు అనుమతితో రాజా ఇంట్లో గురువారం ఉదయం సోదాలు నిర్వహించారు. ఈ వీడియోలు అతడికి ఎక్కడికి నుంచి వస్తున్నాయి? ఎందుకు పంపుతున్నాడు? అనే కోణాల్లో అధికారులు దర్యాప్తు చేస్తున్నారు.