రామనాథ స్వామి సేవలో జపాన్‌ భక్తులు

దర్శనం చేసుకొంటున్న విదేశీయులు

వేలచ్చేరి, న్యూస్‌టుడే: జపాన్‌కు చెందిన హిందూ సమయం భక్తుడు మసాహి(60) మెడికల్‌ సైన్సులో డిగ్రీ పొందాడు. గత 20 ఏళ్లుగా హిందూ మతం, హిందూ దైవాల గురించి ప్రచారం చేస్తున్నారు. మసాహి నేతృతంలో 18 మంది మహిళలతో సహా 37 మంది జపాన్‌ దేశస్థులు తమిళనాడులోని అనేక ఆలయాలను దర్శిస్తున్నారు. బుధవారం రామనాధపురం జిల్లా రామేశ్వరంలోని రామనాథ స్వామి ఆలయాన్ని జపాన్‌ భక్తులు ఆలయంలోని తీర్థాల్లో స్నానమాచరించి భక్తిశ్రద్ధలతో సెంగోల్‌ను చేత పట్టుకొని స్వామి సన్నిధిని ప్రదక్షిణగా చుట్టి వచ్చారు. ఆలయ పూజారులు స్వామి వారి ప్రసాదాలు అందజేశారు. ఈ సందర్భంగా మసాహి మాట్లాడుతూ, దేవుడు ఒక్కడే అనేది మా నమ్మకం. కాని దేవుళ్ల పేర్లు, పూజా పద్ధతులు వేరైనప్పటికీ భారత దేశంలో దైవ భక్తి ఎక్కువ అని నమ్ముతున్నాము. ఈ కారణంగా తాను గత 20 ఏళ్లుగా రామేశ్వరంలో గల రామనాథస్వామి ఆలయానికి వచ్చిన అనుభవం ఉందని  తెలిపారు.