అనకాపల్లి పట్టణం, న్యూస్‌టుడే: తనకు దొరికిన పర్సును పోలీసులకు అప్పగించి విద్యార్థి నిజాయతీ చాటుకున్నాడు. పట్టణ ఎస్సై ధనుంజయ్‌ తెలిపిన వివరాల ప్రకారం.. అనకాపల్లికి చెందిన కొణతాల యశోవర్ధన్‌ ఐఐటీలో ఇంజినీరింగ్‌ చదువుతున్నాడు. ఈనెల 16వ తేదీన ఈయనకు పర్సు దొరికింది. అందులో రూ.6,500 నగదు, నాలుగు ఏటీఎం కార్డులు, ఆధార్‌, పాన్‌కార్డులు ఉన్నాయి. ఈ పర్సును ఆయన పోలీసులకు అప్పగించారు. అందులోని వివరాల ప్రకారం పర్సు వి.మాడుగులకు చెందిన బి. జగదీష్‌దిగా గుర్తించి పోలీసులు ఆయనకు అందించారు. ఈ సందర్భంగా విద్యార్థిని పట్టణ సీఐ భాస్కరరావు, ఎస్సై ధనుంజయ్‌ అభినందించారు.