‘ప్రభుత్వ భూమిని పరిరక్షించండి’

జిల్లా రెవెన్యూ డివిజనల్‌ అధికారి శ్రీనివాసశాస్త్రికి వినతిపత్రం అందజేస్తున్న  దృశ్యం

గోపాలపట్నం, న్యూస్‌టుడే : జీవీఎంసీ 89వ వార్డు ఖారవేలనగర్‌ సమీప ప్రభుత్వ భూమిని పరిరక్షించాలని వార్డు పరిధి శ్రీదుర్గానగర్‌, ఖారవేలనగర్‌కు చెందిన నివాసితులు కోరారు. ఈ మేరకు వారు శనివారం జిల్లా రెవెన్యూ డివిజనల్‌ అధికారి శ్రీనివాసశాస్త్రిని కలిసి వినతిపత్రం అందజేశారు. ఈ సందర్భంగా స్థానికులు మాట్లాడుతూ కొందరు స్థిరాస్తి వ్యాపారులు ప్రభుత్వ భూమిని కాజేయాలని సర్వే నంబర్లు మార్చుతున్నారని, తరచూ సర్వేలు చేయిస్తూ నివాసితులను ఇబ్బందులకు గురి చేస్తున్నారని విన్నవించారు. కొంతమంది జిల్లాస్థాయి అధికారులు, మండల స్థాయి అధికారుల అండదండలతోనే స్థిరాస్తి వ్యాపారులు తమ ప్రయత్నాలు ముమ్మరం చేస్తున్నారని... పూర్తిస్థాయి విచారణ చేయించి ప్రభుత్వభూమి పరిరక్షణకు చర్యలు తీసుకోవాలని వారంతా కోరారు.