364 కిలోల గంజాయి పట్టివేత

గంజాయి బస్తాలు, నిందితులతో సీఐ బాలసురేష్‌, ఎస్సై సతీష్‌ కుమార్‌

కొయ్యలగూడెం, న్యూస్‌టుడే: అక్రమంగా తరలిస్తున్న 364.280 కిలోల గంజాయిని కొయ్యలగూడెం పోలీసులు బుధవారం పట్టుకున్నారు. సీఐ పి.బాలసురేష్‌, ఎస్సై కె.సతీష్‌ కుమార్‌ తెలిపిన వివరాల ప్రకారం..రాజమహేంద్రవరం నుంచి వస్తున్న లారీలో గంజాయిని తరలిస్తున్నట్లు వచ్చిన సమాచారం మేరకు తనిఖీ చేశా రు. 13 బస్తాల్లో గంజాయి ఉన్నట్లు గుర్తించి లారీతో సహా స్వాధీనం చేసుకున్నారు. ఈ కేసుకు సంబంధించి నిందితులు రాజేష్‌ పటేల్‌, పవన్‌కుమార్‌ (మధ్యప్రదేశ్‌) లను అరెస్టు చేసి కోర్టుకు హాజరుపరిచామని ఎస్సై కె.సతీష్‌కుమార్‌ తెలిపారు.