సమాజ సేవలతో సుస్థిర స్థానం

ఆదినారాయణ దంపతులకు సత్కారం

భీమవరం సాంస్కృతికం, న్యూస్‌టుడే: సమాజానికి సేవలు అందించిన వారు ప్రజల హృదయాల్లో సుస్థిరంగా నిలిచిపోతారని పలువురు వక్తలు అన్నారు. పద్మశ్రీ పురస్కార గ్రహీత, ప్రముఖ ఆర్థోపెడిక్‌ వైద్యనిపుణుడు సుంకర వెంకట ఆదినారాయణరావు ఆత్మీయ సత్కార సభను సుంకర ట్రస్టు ఆధ్వర్యంలో భీమవరం టౌన్‌ హాల్‌లో బుధవారం రాత్రి నిర్వహించారు. ట్రస్టు అధ్యక్షుడు సుంకర వెంకటేశ్వరరావు అధ్యక్షత వహించారు. ఈ సందర్భంగా అతిథులు మాట్లాడుతూ ఆదినారాయణ రావు వేలాది మంది పోలియో బాధితులకు ఉచితంగా శస్త్ర చికిత్సలు చేసి వారి జీవితాల్లో వెలుగులు నింపారన్నారు. అనంతరం ట్రస్టు, ఐఎంఏ, స్వచ్ఛంద సంస్థల ప్రతినిధులు ఆదినారాయణరావు, శశిప్రభ దంపతులను ఘనంగా సత్కరించారు.