Crime News: సినిమా టికెట్లకు తండ్రి డబ్బులివ్వలేదని..

జగిత్యాల: సినిమా టికెట్ల కోసం తండ్రి డబ్బు ఇవ్వలేదని మనస్తాపం చెంది.. ఓ విద్యార్థి ఆత్మహత్య చేసుకున్న ఘటన జగిత్యాలలో చోటుచేసుకుంది. పోలీసులు తెలిపిన వివరాల ప్రకారం.. పట్టణంలోని పురానిపేటలో ఎనిమిదో తరగతి చదువుతున్న పాండులోజి నవదీప్.. సినిమాకు వెళ్లేందుకు తన మిత్రులు ముందుగానే టిక్కెట్లు బుక్ చేసుకుంటున్నారంటూ.. తండ్రి నర్సయ్యను రూ.300 ఇవ్వాలని అడిగాడు. తన దగ్గర అంత డబ్బు లేదని, కాస్త సమయం ఇవ్వాలంటూ తండ్రి బదులిచ్చాడు. దీంతో మనస్తాపం చెందిన నవదీప్.. ఇంట్లో వేరొక గదిలోకి వెళ్లి ఉరేసుకొని బలవర్మరణానికి పాల్పడ్డాడు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.