పైసలిస్తరు.. బిర్యానీ పెడ్తరు: ఎమ్మెల్యే ఎన్నికలపై ప్రశ్నకు ఓ విద్యార్థి జవాబు

ప్ర: ఎమ్మెల్యే ఎన్నికలు ఎలా జరుగుతాయి..

జ: ఎమ్మెల్యే కోసం పోటీ పడేటోళ్లు ఇంటికి వస్తరు..పెద్దోళ్లకు పైసలు, బిర్యానీ ఇస్తరు..ఆడోళ్లకు చీరలు ఇస్తరు..అవి తీసుకుని పెద్దోళ్లు ఓట్లు వేస్తరు..ఎవరికి ఓట్లు వస్తే వాళ్లు గెలుస్తరు..

ఫరూక్‌నగర్‌ మండలం లింగారెడ్డిగూడ ప్రభుత్వ పాఠశాలలో 7వ తరగతి చదువుతున్న ఓ విద్యార్థి ప్రశ్నపత్రంలో వచ్చిన ప్రశ్నకు ఈ జవాబు ఇవ్వడం సామాజిక మాధ్యమాల్లో వైరల్‌గా మారింది. ఓట్ల కోసం రాజకీయాలు ఎంతగా దిగజారుతున్నాయి.. ఈ ప్రభావం పిల్లలపై ఎలా ఉంటుందనేందుకు ఇది ఉదాహరణ. మరో విశేషం ఏమిటంటే ఈ జవాబుకు ఉపాధ్యాయుడు 4 మార్కులు వేశారు. దీనిపై ఆయన స్పందిస్తూ.. మారిన విద్యావిధానం ప్రకారం విద్యార్థుల సృజనాత్మకతకు మార్కులు వేయాల్సిందేనని అన్నారు.

- న్యూస్‌టుడే, షాద్‌నగర్‌ న్యూటౌన్‌