పలమనేరు, న్యూస్‌టుడే: బస్టాండ్‌, బస్సుల్లో సమోసాలు, మజ్జిగ ప్యాకెట్లు విక్రయిస్తూ జీవనం సాగించే ఓ వ్యక్తి చిత్తూరు జిల్లా పలమనేరు స్వతంత్ర అభ్యర్థిగా నామినేషన్‌ దాఖలు చేశారు. పట్టణానికి చెందిన బాషా రోజంతా పనిచేస్తే వచ్చే ఆదాయం రూ.500లోపే. అందులోనే కొంత సేవా కార్యక్రమాలకు వెచ్చిస్తుంటారు. వేసవిలో సొంత నిధులతో చలివేంద్రం ఏర్పాటు చేస్తారు. ఎమ్మెల్యేగా పోటీ చేయాలనే ఆశతో సోమవారం కుటుంబ సభ్యులతో కలిసి నామినేషన్‌ దాఖలు చేశారు. ‘నేను నలుగురికి సాయపడతా.. నన్ను గెలిపిస్తే మంచి చేస్తా’ అంటూ ఆయన తన మనసులోని మాట చెప్పారు.