అమెరికాలో కుప్పకూలిన విమానం

ఫ్లోరిడా: అమెరికాలోని ఫ్లోరిడాలో ఓ చిన్న విమానం రోడ్డుపై కుప్పకూలింది. పెంబ్రోక్‌ పైన్స్‌లోని నార్త్‌ పెర్రీ విమానాశ్రయం సమీపంలో ఈ ఘటన చోటుచేసుకుంది. ఈ ప్రమాదంలో ముగ్గురు ప్రాణాలు కోల్పోయారు. టేకాఫ్‌ సమయంలో తలెత్తిన లోపంతో విమానం రోడ్డుపై వెళుతున్న కారుపై పడింది. ఈ దుర్ఘటనలో విమానంలో ఉన్న ఇద్దరు అక్కడికక్కడే మృతిచెందారు. కారులో ఉన్న మహిళ, ఓ చిన్నారి గాయపడగా వారిని ఆసుపత్రికి తరలించారు. కాగా చికిత్స పొందుతూ చిన్నారి మృతిచెందింది. విమానాశ్రయం సమీపంలో ఉన్న సీసీ కెమెరాలో ప్రమాద దృశ్యాలు నిక్షిప్తమయ్యాయి. ప్రమాద ధాటికి విమానంలోని ఇంధనం లీక్‌ కాగా రోడ్డుపై ఒక్కసారిగా మంటలు చెలరేగాయి.