Border Boy: ఎట్టకేలకు ఇంటికి చేరిన బోర్డర్‌ బాయ్‌

ఇస్లామాబాద్‌: భారత్-పాకిస్థాన్ సరిహద్దులో జన్మించిన శిశువు ఎట్టకేలకు ఇంటికి చేరాడు. పాకిస్థాన్‌లోని పంజాబ్ రాష్ట్రానికి చెందిన హిందూదంపతులు బలమ్‌రామ్, నింబోదేవి.. పుణ్యక్షేత్రాల సందర్శనకు భారత్ వచ్చారు. రెండోదశ కరోనా కారణంగా ప్రయాణాలపై ఆంక్షలు విధించటంతో వీరు సరిహద్దులోనే చిక్కుకుపోయారు. ఆంక్షలు సడలించిన తర్వాత వెళ్లేందుకు ప్రయత్నించినప్పటికీ.. వీసా గడువు ముగియడంతో కుదరలేదు. దీంతో అట్టారీ-వాఘా సరిహద్దులో ఉన్న రిసార్టులోనే వారు ఉండిపోయారు. ఓ ఎన్జీవో వారికి వీసాలు, అవసరమైన పత్రాలు సమకూర్చటంలో సాయం అందించింది. వీసాలు, ధ్రువీకరణ పత్రాలు లభించడంతో.. బలమ్‌రామ్ దంపతులు బిడ్డతో కలిసి పాకిస్థాన్‌కు వెళ్లిపోయారు. నింబోదేవి ఈనెల 2న మగబిడ్డకు జన్మనిచ్చింది.

► Read latest General News and Telugu News