ఆశలు రేకెత్తిస్తున్న రెమ్డెసివిర్‌..!

కొవిడ్‌-19 వ్యాక్సిన్‌తో పాటు ఔషధంపై కూడా ప్రపంచవ్యాప్తంగా విస్తృత ప్రయోగాలు జరుగుతున్నాయి. అమెరికాకు చెందిన గిలీడ్‌ సైన్సెస్‌ సంస్థ అభివృద్ధి చేసిన ‘రెమ్డెసివిర్‌’ ఔషధాన్ని కరోనా వైరస్‌ కట్టడిలో భాగంగా ఇప్పటికే పలు దేశాల్లో ఉపయోగిస్తున్న విషయం తెలిసిందే.

Published : 10 Jun 2020 14:05 IST

కోతుల్లో ఊపిరితిత్తులు దెబ్బతినడాన్ని నిరోధించిన ఔషధం..

వాషింగ్టన్‌ : కొవిడ్‌-19 వ్యాక్సిన్‌తో పాటు ఔషధంపై కూడా ప్రపంచవ్యాప్తంగా విస్తృత ప్రయోగాలు జరుగుతున్నాయి. అమెరికాకు చెందిన గిలీడ్‌ సైన్సెస్‌ సంస్థ అభివృద్ధి చేసిన ‘రెమ్డెసివిర్‌’ ఔషధాన్ని కరోనా వైరస్‌ కట్టడిలో భాగంగా ఇప్పటికే పలు దేశాల్లో ఉపయోగిస్తున్న విషయం తెలిసిందే. తాజాగా కోతుల్లో జరిపిన ప్రయోగాల్లో ఊపిరితిత్తులు దెబ్బతినడాన్ని ఈ ఔషధం నిరోధిస్తున్నట్లు పరిశోధనల్లో తేలింది. దీనికి సంబంధించిన పరిశోధన పత్రం ప్రముఖ జర్నల్‌ నేచర్‌లో ప్రచురితమైంది.

పరిశోధనల్లో భాగంగా తొలుత 12 కోతులకు కరోనా వైరస్‌ సోకించారు. అనంతరం వీటిలో ఆరు కోతులకు రెమ్డెసివిర్ ఔషధాన్ని అందించారు. దీంతో ఈ మందు స్వీకరించిన కోతుల్లో ఎలాంటి శ్వాసకోస సంబంధ వ్యాధులు బయటపడలేదు. అంతేకాకుండా ఈ మందులు ఊపిరితిత్తులు దెబ్బతినడాన్ని తగ్గించినట్లు పరిశోధనల్లో తేలినట్లు ఆ నివేదిక వెల్లడించింది.

ఇప్పటికే కరోనా సోకిన వ్యక్తుల్లో జరిపిన ప్రయోగాల్లో రెమ్డెసివిర్ మెరుగైన ఫలితాలు చూపించినట్లు ఇప్పటికే బయటపడింది. అయితే దీనిపై విస్తృతంగా పరిశోధనలు జరుపుతున్నారు. కొవిడ్‌-19 బాధితులపై వినియోగించడానికి ఇదివరకే అమెరికా ఔషధ నియంత్రణ సంస్థ (ఎఫ్‌డీఏ) అత్యవసర అనుమతి (ఎమెర్జెన్సీ యూజ్‌ ఆథరైజేషన్‌) ఇచ్చింది. కొవిడ్‌-19 వ్యాక్సిన్‌తోపాటు ఔషదంపై ఇప్పటికే ప్రపంచవ్యాప్తంగా ఎన్నో దేశాలు ఆసక్తిగా ఎదురుచూస్తున్నాయి.

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని