Updated : 20 Jan 2022 11:45 IST

Khesari lalYadav: స్టార్‌ సింగర్‌ రాలేదని అభిమానుల రచ్చ

వేదిక ధ్వంసం.. కుర్చీలు, వాహనాలకు నిప్పు

భోజ్‌పురి గాయకుడు ఖేసరి లాల్‌ యాదవ్‌.. ఓ లైవ్‌షోకు అనుకున్న సమయానికి రాలేదని అభిమానులు రచ్చ రచ్చ చేశారు. తీవ్ర ఆగ్రహంతో వందల కుర్చీలు, వాహనాలకు నిప్పంటించారు. వేదికను కూడా ధ్వంసం చేశారు. నేపాల్‌లోని సున్సారి జిల్లా బుర్జ్‌లోని విరాట్‌నగర్‌లో మంగళవారం ఈ ఘటన జరిగింది. బుర్జ్‌ మహోత్సవ్‌ సందర్భంగా విరాట్‌నగర్‌లో ఓ లైవ్‌ షోకు ప్లాన్‌ చేశారు గాయకుడు ఖేసరి లాల్‌ యాదవ్‌. ఈ కార్యక్రమంలో పాల్గొనేందుకు తన బృందంతో నేపాల్‌ వెళ్లాడు. మంగళవారం లైవ్‌ షో జరగాల్సి ఉంది.

ఆయన ప్రదర్శనను ప్రత్యక్షంగా తిలకించేందుకు అభిమానులు ఉదయం నుంచే వందల సంఖ్యలో భారీగా తరలివచ్చారు. ఈ షో ఎంట్రీ కోసం వీక్షకుల నుంచి నిర్వాహకులు రూ.300 వరకు వసూలు చేసినట్లు తెలుస్తోంది. షో టైం అయినా ఖేసరి లాల్‌ వేదిక వద్దకు చేరుకోలేదు. దీంతో అభిమానుల ఓపిక నశించి విధ్వంసానికి పాల్పడ్డారు. ఇందుకు సంబంధించిన వీడియో సామాజిక మాధ్యమాల్లో వైరల్‌గా మారింది. తాను నేపాల్‌లోనే ఉన్నానని, షోకు వచ్చే ముందు కొవిడ్‌ వ్యాప్తి దృష్ట్యా అధికారులు అనుమతి నిరాకరించారని ఫేస్‌బుక్‌ లైవ్‌ వేదికగా ఖేసరి లాల్‌ వివరించారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని